കൊല്ക്കത്ത: മുന് ഇന്ത്യന് താരവും പശ്ചിമ ബംഗാള് കായിക മന്ത്രിയുമായ മനോജ് തിവാരി ക്രിക്കറ്റില് നിന്നു വിരമിച്ചു. 2015ലാണ് താരം ഇന്ത്യക്കായി അവസാനം കളിച്ചത്. ഈ വര്ഷം ഫെബ്രുവരി വരെ ബംഗാളിനായി അദ്ദേഹം രഞ്ജിയില് കളിച്ചിരുന്നു. ദീര്ഘ നാളായി ബംഗാള് ടീമിന്റെ ക്യാപ്റ്റനും തിവാരിയാണ്.
2008നും 2015നും ഇടയിലാണ് താരം ഇന്ത്യക്കായി കളിച്ചത്. 12 ഏകദിന മത്സരങ്ങളും മൂന്ന് ടി20 മത്സരങ്ങളും കളിച്ചു. ഏകദിനത്തില് ഒരു സെഞ്ച്വറിയും ഒരു അര്ധ സെഞ്ച്വറിയുമുണ്ട്. 104 റണ്സാണ് മികച്ച സ്കോര്.
ഐപിഎല്ലില് ഡല്ഹി ഡെയര് ഡെവിള്സ്, കൊല്ക്കത്ത നൈറ്റ് റൈഡേഴ്സ്, കിങ്സ് ഇലവന് പഞ്ചാബ്, റൈസിങ് പുനെ സൂപ്പര്ജയന്റ്സ് ടീമുകള്ക്കായി കളിച്ചു. 2007-08ല് ഓസ്ട്രേലിയക്കെതിരെയാണ് ഇന്ത്യക്കായി അരങ്ങേറിയത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ