കറാച്ചി: ക്ലാസിക് ബാറ്ററും ഇതിഹാസ താരവുമായ ഇന്സമാം ഉള് ഹഖ് പാകിസ്ഥാന് ചീഫ് സെലക്ടര്. ഇത് രണ്ടാം തവണയാണ് മുന് ക്യാപ്റ്റന് കൂടിയായ ഇന്സമാം ഈ സ്ഥാനത്തെത്തുന്നത്.
ഇന്ത്യയില് നടക്കാനിരിക്കുന്ന ലോകകപ്പ്, അതിനു മുന്പ് സ്വന്തം നാട്ടിലും ശ്രീലങ്കയിലുമായി നടക്കുന്ന ഏഷ്യാ കപ്പ് പോരാട്ടങ്ങള്ക്കുള്ള ടീമിനെ തിരഞ്ഞെടുക്കാനിരിക്കെയാണ് ഇന്സമാം വീണ്ടും തലപ്പത്തെത്തിയത്. നേരത്തെ 2016 മുതല് 19 വരെയായിരുന്നു ഈ സ്ഥാനത്ത് അദ്ദേഹം ഇരുന്നത്.
ഈ മാസം 22 മുതല് ശ്രീലങ്കയില് നടക്കാനിരിക്കുന്ന അഫ്ഗാനിസ്ഥാനെതിരായ ഏകദിന പരമ്പരയ്ക്കുള്ള ടീമിനെയാണ് ഇന്സമാമിന്റെ നേതൃത്വത്തിലുള്ള കമ്മിറ്റി ആദ്യം തിരഞ്ഞെടുക്കുക. മൂന്ന് മത്സരങ്ങളടങ്ങിയ ഈ പരമ്പരയ്ക്ക് ശേഷമായിരിക്കും ഏഷ്യാ കപ്പ്, ലോകകപ്പ് ടീമുകളുടെ തിരഞ്ഞെടുപ്പ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ