ഫ്‌ളോറിഡ: നാലാം ടി20യില്‍ ഫോമിലേക്ക് മടങ്ങിയെത്തി ഇന്ത്യന്‍ വിജയത്തില്‍ നിര്‍ണായക പങ്ക് വഹിച്ച ഓപ്പണര്‍ ശുഭ്മാന്‍ ഗില്ലിനു പക്ഷേ നിര്‍ണായകമായ അഞ്ചാം പോരില്‍ തിളങ്ങാനായില്ല. താരം ഒന്‍പത് റണ്‍സുമായി മടങ്ങി. അകീല്‍ ഹുസൈന്റെ പന്തില്‍ താരം വിക്കറ്റിനു മുന്നില്‍ കുടുങ്ങുകയായിരുന്നു.
എന്നാല്‍ ഗില്‍ യഥാര്‍ഥത്തില്‍ ഔട്ടായിരുന്നില്ല എന്നാണ് ഇപ്പോള്‍ ആരാധകര്‍ ചൂണ്ടിക്കാണിക്കുന്നത്. താരത്തിന്റെ പാഡില്‍ പന്ത് കൊണ്ടെങ്കിലും ഇഞ്ചുകളുടെ വ്യത്യാസത്തില്‍ പന്ത് സ്റ്റംപില്‍ കൊള്ളാതെ പുറത്തേക്ക് പോകുന്നതായുള്ള ദൃശ്യങ്ങള്‍ സഹിതമാണ് ആരാധകര്‍ അമ്പയറുടെ പിഴവ് ചൂണ്ടിക്കാട്ടുന്നത്.
ഗില്‍ പക്ഷേ ഇതു റിവ്യൂവിനു വിട്ടില്ല. താരം ഔട്ടായി മടങ്ങുകയായിരുന്നു. റിവ്യു ചെയ്യാതെ വിട്ടത് മണ്ടത്തരമായെന്നു ആരാധകര്‍ വ്യക്തമാക്കി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
