ലോകകപ്പ്: ന്യൂസിലന്‍ഡിന് തിരിച്ചടി; ടിം സൗത്തിയും നാളെ കളിക്കില്ല
അഹമ്മദാബാദ്: ലോകകപ്പ് ക്രിക്കറ്റിന് നാളെ തുടക്കം കുറിക്കാനിരിക്കെ, കിരീടമോഹവുമായെത്തിയ ന്യൂസിലന്‍ഡിന് വന്‍ തിരിച്ചടി. നായകന്‍ കെയ്ന്‍ വില്യംസണ് പുറമെ, പേസ് ബൗളര്‍ ടിം സൗത്തിയും ആദ്യ മത്സരത്തില്‍ കളിക്കില്ല. വിരലിനേറ്റ പരിക്കില്‍ നിന്നും മുക്തനാകാത്തതാണ് സൗത്തിക്ക് തിരിച്ചടിയായത്.
വില്യംസണ് പകരം ടോം ലാഥമാണ് കിവീസിനെ നയിക്കുന്നത്. കഴിഞ്ഞ മാസം ശസ്ത്രക്രിയയ്ക്ക് വിധേയനായ സൗത്തിയുടെ ശാരീരിക ക്ഷമതയില്‍ കാര്യമായ പുരോഗതിയുണ്ടെന്ന് ലാഥം പറഞ്ഞു. ഇംഗ്ലണ്ടിനെതിരായ പരമ്പരയ്ക്കിടെ, ജോ റൂട്ടിന്റെ ക്യാച്ച് എടുക്കുന്നതിനിടെയാണ് സൗത്തിയുടെ വിരലിന് പരിക്കേറ്റത്.
ഇക്കഴിഞ്ഞ ഐപിഎല്ലിനിടെയാണ് നായകൻ കെയ്ൻ വില്യംസണ് പരിക്കേല്‍ക്കുന്നത്. ശസ്ത്രക്രിയയ്ക്ക് ശേഷം വിശ്രമത്തിലായിരുന്ന വില്യംസൺ, ലോകകപ്പിന് മുന്നോടിയായി പാകിസ്ഥാനെതിരായ സന്നാഹ മത്സരത്തിൽ കളിച്ചിരുന്നു. 50 പന്തിൽ 54 റൺസെടുത്ത് തിളങ്ങി.
എങ്കിലും ആദ്യ മത്സരത്തിൽ കളിപ്പിക്കേണ്ടെന്നാണ് ടീം മാനേജ്മെന്റിന്റെ തീരുമാനം. ഉദ്ഘാടന മത്സരത്തില്‍ ന്യൂസിലന്റ് നിലവിലെ ചാമ്പ്യന്മാരായ ഇംഗ്ലണ്ടിനെ നേരിടും. അഹമ്മദാബാദിലെ നരേന്ദ്രമോദി സ്‌റ്റേഡിയത്തിലാണ് മത്സരം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
