മൗണ്ട്മൗന്‍ഗനുയി: കന്നി ടെസ്റ്റ് സെഞ്ച്വറി തന്നെ ഇരട്ട സെഞ്ച്വറിയിലേക്ക് മാറ്റി രചിന്‍ രവീന്ദ്ര. താരത്തിന്റെ മികവില്‍ ന്യൂസിലന്‍ഡ് ദക്ഷിണാഫ്രിക്കക്കെതിരായ ഒന്നാം ടെസ്റ്റില്‍ കൂറ്റന്‍ സ്‌കോര്‍ പടുത്തുയര്‍ത്തി. അവരുടെ ഒന്നാം ഇന്നിങ്‌സ് 511 റണ്‍സില്‍ അവസാനിച്ചു.
മറുപടി തുടങ്ങിയ ദക്ഷിണാഫ്രിക്ക ഒന്നാം ഇന്നിങ്‌സില്‍ പരുങ്ങുന്നു. നാല് വിക്കറ്റ് നഷ്ടത്തില്‍ 80 റണ്‍സെന്ന നിലയിലാണ് അവര്‍.
366 പന്തുകള്‍ നേരിട്ട് 26 ഫോറും മൂന്ന് സിക്‌സും സഹിതം രചിന്‍ 240 റണ്‍സെടുത്തു. രചിനൊപ്പം സെഞ്ച്വറിയുമായി മുന്‍ നായകന്‍ കെയ്ന്‍ വില്ല്യംസനും ന്യൂസിലന്‍ഡ് സ്‌കോറിലേക്ക് കാര്യമായ സംഭാവന നല്‍കി.
ദക്ഷിണാഫ്രിക്കക്കായി നീല്‍ ബ്രാന്‍ഡ് മിന്നും ബൗളിങ് പുറത്തെടുത്തു. താരം ആറ് വിക്കറ്റുകള്‍ സ്വന്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
