വിശാഖപട്ടണം: ഇന്ത്യയും ഇംഗ്ലണ്ടും തമ്മിലുള്ള രണ്ടാം ക്രിക്കറ്റ് ടെസ്റ്റില് ഇന്ത്യ ജയം പിടിച്ചു. മത്സരത്തില് ഇംഗ്ലണ്ട് നായകന് ബെന് സ്റ്റോക്സിന്റെ പുറത്താകലാണ് ഇന്ത്യക്ക് നിര്ണായകമായത്. ഇംഗ്ലീഷ് ക്യാപ്റ്റന് റണ്ണൗട്ടായി മടങ്ങുകയായിരുന്നു. 11 റണ്സില് നില്ക്കെയാണ് മടക്കം.
സ്റ്റോക്സിനെ ശ്രേയസ് അയ്യര് നേരിട്ടുള്ള ഏറില് റണ്ണൗട്ടാക്കുകയായിരുന്നു. ഔട്ടിനു ശേഷം ശ്രേയസ് കൈവിരല് ഉയര്ത്തി ആഘോഷിച്ചതാണ് ആരാധകരുടെ കണ്ണിലുടക്കിയത്. അതൊരു മിമിക്രി കൂടിയായിരുന്നു.
അതിനൊരു കാരണം കൂടിയുണ്ട്. രണ്ടാം ഇന്നിങ്സില് ശ്രേയസിനെ ബെന് സ്റ്റോക്സ് ക്യാച്ചെടുത്താണ് പുറത്താക്കിയത്. ആ സമയത്ത് സ്റ്റോക്സ് കൈവിരല് ഉയര്ത്തിയാണ് വിക്കറ്റ് നേട്ടം ആഘോഷിച്ചത്.
സമാന ആഘോഷമാണ് തിരിച്ചു വിക്കറ്റെടുത്ത് ശ്രേയസ് നടത്തിയത്. സംഭവം ആരാധകര് ഏറ്റെടുത്തു.
മത്സരത്തില് ഇന്ത്യ 106 റണ്സിന്റെ വിജയം സ്വന്തമാക്കി. 399 റണ്സ് ലക്ഷ്യത്തിലേക്ക് ബാറ്റേന്തിയ ഇംഗ്ലണ്ട് 292 റണ്സില് പുറത്തായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ