മെല്‍ബണ്‍: പരിശീലനത്തിനിടെ തലയ്ക്ക് പന്ത് കൊണ്ടു ഓസ്‌ട്രേലിയന്‍ വിക്കറ്റ് കീപ്പര്‍ സാം ഹാര്‍പ്പറിനു ഗുരുതര പരിക്ക്. ബിഗ് ബാഷ് ലീഗില്‍ മെല്‍ബണ്‍ സ്റ്റാര്‍സിന്റെ താരമാണ് ഹാര്‍പ്പര്‍. സിഡ്‌നി സിക്‌സേഴ്‌സുമായുള്ള മത്സരത്തിനു മുന്നോടിയായി നടത്തിയ പരിശീലനത്തിനിടെയാണ് താരത്തിന്റെ തലയ്ക്ക് ഗുരുതര പരിക്കേറ്റത്.
ഉടന്‍ തന്നെ ഹാര്‍പ്പറിനെ ആശുപത്രിയിലേക്ക് മാറ്റി. നിലവില്‍ ഹാര്‍പ്പറിന്റെ ആരോഗ്യ നില തൃപ്തികരമാണെന്നും താരത്തിന്റെ സ്വകാര്യത മാനിക്കണമെന്നും മെല്‍ബണ്‍ സ്റ്റാര്‍സ് വ്യക്തമാക്കി.
പരിശീലനത്തിലെ പന്ത് ഹെല്‍മറ്റിന്റെ ഗ്രില്ലിനിടയില്‍ ഉടക്കി നിന്നു. പന്ത് കൊണ്ടതിനു പിന്നാലെ താരം ബോധരഹിതനായി താഴെ വീണു. ഉടന്‍ തന്നെ ആശുപത്രിയിലേക്ക് മാറ്റുകയായിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
