കൊല്ക്കത്ത: ഐപിഎല് തുടങ്ങാന് ദിവസങ്ങള് മാത്രം ശേഷിക്കെ കൊല്ക്കത്ത നൈറ്റ്റൈഡേഴ്സിനു കനത്ത തിരിച്ചടി. ശ്രേയസ് അയ്യരുടെ ഐപിഎല് പങ്കാളിത്തം അനിശ്ചിതത്വത്തില്. താരത്തിനു വീണ്ടും നടുവേദനയുടെ പ്രശ്നങ്ങള് അലട്ടുന്നതാണ് വിനയായി മാറുന്നത്.
ദേശീയ ടീമില് നിന്നു നടുവേദനയെ തുടര്ന്നു വിട്ടുനിന്ന ശ്രേയസിനു പരിക്കില്ലെന്ന റിപ്പോര്ട്ട് ദേശീയ ക്രിക്കറ്റ് അക്കാദമി നല്കിയിരുന്നു. പിന്നാലെ താരത്തിനോടു ആഭ്യന്തര ക്രിക്കറ്റ് കളിക്കാന് ബിസിസിഐ ആവശ്യപ്പെട്ടു. ആദ്യ നിരസിച്ചെങ്കിലും പിന്നീട് രഞ്ജിയില് മുംബൈക്കായി കളിക്കാനിറങ്ങി. ഫൈനലില് രണ്ടാം ഇന്നിങ്സില് 95 റണ്സെടുത്ത് താരം ഫോം വീണ്ടെടുക്കുകയും ചെയ്തു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
എന്നാല് വീണ്ടും താരത്തിനു നടു വേദനയുടെ പ്രശ്നങ്ങള് അലട്ടുന്നുണ്ടെന്നാണ് പുതിയ റിപ്പോര്ട്ടുകള്. താരം ബാറ്റ് ചെയ്തെങ്കിലും പിന്നീട് ഫീല്ഡിങിനു ഇറങ്ങിയില്ല.
ഈ മാസം 22 മുതലാണ് പുതിയ ഐപിഎല് സീസണിനു തുടക്കമാകുന്നത്. കൊല്ക്കത്തയുടെ ആദ്യ പോരാട്ടം 23നാണ്. സണ്റൈസേഴ്സ് ഹൈദരാബാദിനെതിരെയാണ് അവരുടെ ആദ്യ പോരാട്ടം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ