മുംബൈ: ആഭ്യന്തര ക്രിക്കറ്റ് മത്സരങ്ങളില്‍ നിന്നുളള പിന്‍മാറ്റം വിക്കറ്റ് കീപ്പര്‍ ബാറ്റര്‍ ഇഷാന്‍ കിഷന് കരിയറില്‍ തിരിച്ചടി നേരിട്ടെങ്കിലും ഐപിഎല്‍ ക്യാമ്പ് താരം ആഘോഷമാക്കുകയാണ്. രഞ്ജി ട്രോഫി മത്സരങ്ങളില്‍ നിന്ന് വിട്ടുനില്‍ക്കാനുള്ള നീക്കം ഇഷാനെ ബിസിസിഐയുടെ വാര്‍ഷിക കരാറില്‍ നിന്നും പുറത്താക്കി.
ഇപ്പോള്‍ ഐപിഎല്ലിനായി മുംബൈ ക്യാമ്പിലുള്ള താരം മുംബൈയുടെ ബൗളിങ് പരിശീലകും മുന്‍ ശ്രീലങ്കന്‍ താരവുമായ ലസിത് മലിംഗയെ അനുകരിക്കുന്ന വീഡിയോ ആരാധകര്‍ ഏറ്റെടുത്തിരിക്കുകയാണ്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
മലിംഗയുടെ ചുരുളന്‍ മുടിക്ക് സമാനമായ വിഗ്ഗ് തലയില്‍ വെച്ച് ഇഷാന്‍ മലിംഗയുടെ ബൗളിങ് ശൈലി അനുകരിക്കുന്നതാണ് വീഡിയോയിലുള്ളത്. ഇഷാന്‍ കിഷന്റെ വീഡിയോ മുംബൈ തങ്ങളുടെ ഫാന്‍ പേജിലും പങ്കിട്ടുണ്ട്. മുംബൈയുടെ വിക്കറ്റ് കീപ്പര്‍ ബാറ്ററാണ് ഇഷാന്‍ കിഷന്.
മാര്‍ച്ച് 22 ന് ആരംഭിക്കുന്ന ഐപിഎല്ലില്‍ മുംബൈ ഇന്ത്യന്‍സിന്റെ ആദ്യ മത്സരം 24 ന് ഗുജറാത്ത് ടൈറ്റന്‍സിനെതിരെയാണ്. അഞ്ച് തവണ മുംബൈയെ ചാമ്പ്യന്‍മാരാക്കിയ നായകന്‍ രോഹിത് ശര്‍മ്മയ്ക്ക് പകരം ഇത്തവണ ഹര്‍ദിക് പാണ്ഡ്യയാണ് മുംബൈയെ നയിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
