മുംബൈ: ടി20 ലോകകപ്പിനുള്ള ഇന്ത്യൻ ജേഴ്സി പുറത്തിറക്കി. ഇന്ത്യൻ ടീമിന്റെ ഔദ്യോഗിക ഇൻസ്റ്റഗ്രാം പേജ് വഴിയാണ് പുതിയ ജേഴ്സി അവതരിപ്പിച്ചത്. നീല, ഓറഞ്ച് നിറങ്ങളുടെ മിക്സാണ് ജേഴ്സിയിൽ. ജേഴ്സി അവതരണത്തിന്റെ കമ്പ്യൂട്ടർ ഗ്രാഫിക്സ് വീഡിയോയും പുറത്തിറങ്ങി.
ഇന്ത്യൻ ക്യാപ്റ്റൻ രോഹിത് ശർമയും സഹ താരങ്ങളും പരിശീലനം നടത്തുന്നതിനിടെ ഹെലികോപ്റ്ററിൽ ജേഴ്സി ഗ്രൗണ്ടിൽ എത്തുന്നതായാണ് വീഡിയോയിൽ. രോഹിത് ശർമ, കുൽദീപ് യാദവ്, രവീന്ദ്ര ജഡേജ എന്നിവരാണ് വീഡിയോയിലുള്ളത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
അതേസമയം ഇന്ത്യൻ താരങ്ങൾ ജേഴ്സിയണിഞ്ഞുള്ള ചിത്രങ്ങൾ പുറത്തുവിട്ടിട്ടില്ല. അഡിഡാസാണ് ജേഴ്സി നിർമാതാക്കൾ.
ജൂൺ 2 മുതലാണ് ലോകകപ്പ് പോരാട്ടങ്ങൾ ആരംഭിക്കുന്നത്. ജൂൺ 29നാണ് ഫൈനൽ. യുഎസ്, വെസ്റ്റ് ഇൻഡീസ് എന്നിവിടങ്ങളിലായാണ് ഇത്തവണ പോരാട്ടം. ജൂൺ അഞ്ചിനു അയർലൻഡിനെതിരെയാണ് ഇന്ത്യയുടെ ആദ്യ പോരാട്ടം. ഇന്ത്യ- പാക് പോരാട്ടം ജൂൺ 9നും അരങ്ങേറും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ