മോസ്‌ക്കോ: രാഷ്ട്രീയമായും സാമൂഹികമായും സമ്പത്തികമായും വന്‍ തിരിച്ചടികള്‍ നേരിടുന്നതിനിടെയിലാണ് റഷ്യ ലോകകപ്പിന് ആതിഥേയത്വം വഹിച്ചത്. പ്രാഥമിക റൗണ്ട് അവസാനിച്ചപ്പോള്‍ തന്നെ അവരുടെ ആതിഥേയ മനോഭാവത്തെ ലോകം വാനോളം പുകഴ്ത്താന്‍ ആരംഭിച്ചിട്ടുണ്ട്. അതിന്റെ സന്തോഷത്തിലാവാം പ്രസിഡന്റ് വ്‌ളാദിമിര്‍ പുടിന്‍.
സ്വന്തം രാജ്യത്ത് കാല്‍പന്ത് കളിയുടെ മഹോത്സവം തകൃതിയായി നടക്കുമ്പോള്‍ പുടിന്‍ വെറുതെ ഇരിക്കുമോ. അദ്ദേഹവും പന്ത് തട്ടാനായി കളത്തിലെത്തി. ഒരു കൂട്ടം കുട്ടികള്‍ക്കൊപ്പവും ലോക ഫുട്‌ബോള്‍ ഇതിഹാസങ്ങളായ ബ്രസീലിന്റെ റൊണാള്‍ഡോ, ജര്‍മനിയുടെ ലോതര്‍ മത്തേയൂസ്, സ്‌പെയിനിന്റെ കാര്‍ലോസ് പുയോള്‍, ഫിഫ തലവന്‍ ജിയാന്നി ഇന്‍ഫാന്റിനോ എന്നിവര്‍ക്കൊപ്പവും അദ്ദേഹവും പന്ത് തട്ടി. അതിന്റെ ചിത്രങ്ങള്‍ ലോകം ഏറ്റെടുത്തു കഴിഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
