തിരുവനന്തപുരം: ഇനി തെരഞ്ഞെടുപ്പ് മത്സരരംഗേത്തക്കില്ലെന്ന് ബിജെപിയുടെ നേതാവും കേരളത്തിലെ ബിജെപിയുടെ പ്രഥമ എംഎല്എയുമായ ഒ രാജഗോപാല്. എംഎല്എ സ്ഥാനം മടുത്തതായും ഇനിയുള്ള കാലം പുസ്തകം വായനയും ആശ്രമ ജീവിതവുമായി മുന്നോട്ടു പോകാനാണ് ആഗ്രഹിക്കുന്നതെന്നും ന്യൂസ് 18 കേരളയ്ക്ക് നല്കിയ അഭിമുഖത്തില് ഒ. രാജഗോപാല് വ്യക്തമാക്കി.
അടുത്ത നിയമസഭാ തെരഞ്ഞെടുപ്പിനുള്ള സ്ഥാനാര്ത്ഥി നിര്ണയം പോലും ബിജെപി പൂര്ത്തിയാക്കിയെന്നുള്ള അഭ്യൂഹങ്ങള് നടക്കുന്നതിനിടെയാണ് പാര്ലമെന്ററി രാഷ്ട്രീയം വേണ്ടെന്ന തുറന്ന പ്രഖ്യാപനവുമായി മുതിര്ന്ന നേതാവ് രംഗത്തെത്തിയിരിക്കുന്നത്.താങ്കളുടെ തീരുമാനം പാര്ട്ടിയെ പ്രതികൂലമായി ബാധിക്കില്ലെന്ന ചോദ്യത്തിന് തനിക്കതിന് വിഷമമില്ലെന്നായിരുന്നു മറുപടി. പ്രതീക്ഷയ്ക്കൊത്ത് ഉയരാത്തത് കൊണ്ടാണോ പിന്മാറ്റമെന്ന ചോദ്യത്തിന് അതില് തനിക്ക് വിഷമമില്ലെന്നായിരുന്നു മറുപടി
പല തെരഞ്ഞെടുപ്പുകളിലായി കേരളത്തിലെ വിവിധ മണ്ഡലങ്ങളില്നിന്ന് ഒ രാജഗോപാല് ജനവിധി തേടിയെങ്കിലും ആദ്യമായി വിജയിക്കുന്നത് കഴിഞ്ഞ നിയമസഭാ തെരഞ്ഞെടുപ്പിലായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ