തിരുവനന്തപുരം: ഓഖി ദുരന്തബാധിത പ്രദേശങ്ങള് കാണാനെത്തിയ പ്രധാനമന്ത്രി നരേന്ദ്രമോദിയെ ട്രോളി സമൂഹമാധ്യമങ്ങള്. മത്സ്യ തൊഴിലാളികള് അവരുടെ പരാതികള് നേരിട്ടു പറയുന്നതിനിടെ പ്രധാനമന്ത്രിയെ ക്യാമറ കണ്ണുകളില് നിന്ന് അല്ഫോന്സ് കണ്ണന്താനം മറച്ചുപിടിച്ചപ്പോള് പ്രധാനമന്ത്രിയുടെ സുരക്ഷാ ഉദ്യോഗസ്ഥര് ഇടപെടുകയായിരുന്നു. എന്നാല് പരാതികള് മോദിക്കായി പരിഭാഷപ്പെടുത്തുന്നതിനിടെയായിരുന്നു മോദിയെ മറഞ്ഞു നിന്നത്.
മോദിയുടെ ക്യാമറ ഭ്രമവും ക്യാമറയ്ക്ക് മുന്നിലുള്ള ചെയ്തികളും നേരത്തെയും വിമര്ശനത്തിന് വിധേയമായിരുന്നു. ലോക നേതാക്കളെ കാണുമ്പോള്ത്തന്നെ കെട്ടിപ്പിടിക്കുന്നതും കുട്ടികളുമായി ചിത്രങ്ങള് എടുക്കാനായി നില്ക്കുമ്പോള് അവരുടെ ചെവി വലിച്ച് പിടിക്കുന്നതുള്പ്പടെ വിദേശമാധ്യമങ്ങള് പരിഹസിച്ചിരുന്നു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ