അന്വേഷണം ശരിയായ ദിശയില്; എത്ര വലിയ മീനായാലും തെറ്റ് ചെയ്തിട്ടുണ്ടെങ്കില് പൊലീസിന്റെ വലയില് വീഴുമെന്നും പിണറായി
തിരുവനന്തപുരം: കൊച്ചിയില് ചലച്ചിത്രനടി ആക്രമിക്കപ്പെട്ട കേസില് പൊലീസ് അന്വേഷണം ശരിയായ ദിശയിലാണ് മുന്നോട്ടു പോകുന്നതെന്ന് മുഖ്യമന്ത്രി പിണറായി വിജയന്. സംഭവവുമായി ബന്ധപ്പെട്ട്
തെറ്റ് ചെയ്ത ആരെയും രക്ഷപ്പെടാന് അനുവദിക്കില്ലെന്നും മുഖ്യമന്ത്രി പറഞ്ഞു
നടിയെ ആക്രമിച്ച പ്രതികളെ പൊലീസ് വൈകാതെ പിടികൂടിയിരുന്നു. അതിനു ശേഷവും പൊലീസ് ഈ കേസിന്റെ പിറകെയായിരുന്നു. കേസുകള് അന്വേഷിക്കുന്നതിന് പൊലീസിന് പൂര്ണ സ്വാതന്ത്ര്യം നല്കിയിട്ടുണ്ട്. അവര്ക്ക് ധൈര്യമായി മുന്നോട്ടുപോകാം. എത്ര വലിയ മീനായാലും തെറ്റ് ചെയ്തിട്ടുണ്ടെങ്കില് പൊലീസിന്റെ വലയില് വീഴും. ഇക്കാര്യം വനിതാ സംഘടനാ നേതാക്കളുടെ യോഗത്തില് ഇന്ന് വിശദമായി സംസാരിച്ചതായും പിണറായി ഫെയ്സ്ബുക്കില് വ്യക്തമാക്കി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ