കണ്ണൂര്: ബ്രണ്ണന് കോളെജ് മാഗസിനുമായി ബന്ധപ്പെട്ട വിവാദത്തില് 13 പേര്ക്കെതിരെ പൊലീസ് കേസെടുത്തു. മാഗസിന്റെ എഡിറ്റോറിയല് ബോര്ഡില് അംഗങ്ങളായ 13 പേര്ക്കെതിരെയാണ് കേസെടുത്തിരിക്കുന്നത്.
ദേശീയ പതാകയെ അപമാനിച്ചു എന്ന പ്രത്യേക വകുപ്പാണ് ധര്മടം പൊലീസ് വിദ്യാര്ഥികള്ക്ക് എതിരെ ചുമത്തിയിരിക്കുന്നത്. ദേശീയ ഗാനത്തേയും, പതാകയേയും മാഗസിനില് അപമാനിച്ചു എന്ന ആരോപണവുമായി കെഎസ് യു, എബിവിപി പ്രവര്ത്തകരാണ് രംഗത്തെത്തിയിരുന്നത്.
സിനിമാ തിയറ്ററില് കസേരവിട്ട് എഴുന്നേല്ക്കുന്ന രാഷ്ട്രസ്നേഹം, തെരുവില് മനുസ്മൃതി വായിക്കുന്ന രാഷ്ട്രസ്നഹം എന്ന അടിക്കുറിപ്പോടെ പ്രസിദ്ധീകരിച്ച ചിത്രമാണ് വിവാദമായത്. ഇത് ദേശീയതയെ അപമാനിക്കുന്നതാണ് എന്ന ആരോപണമാണ് കെഎസ് യുവും, എബിവിപിയും ഉയര്ത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ