തിരുവനന്തപുരം : ഡിജിപി ജേക്കബ് തോമസിന് വീണ്ടും സസ്പെന്ഷന്. ഇതുസംബന്ധിച്ച ഉത്തരവില് മുഖ്യമന്ത്രി പിണറായി വിജയന് ഒപ്പുവെച്ചു. മുഖ്യമന്ത്രിയുടെ നിര്ദേശ പ്രകാരം ചീഫ് സെക്രട്ടറിയാണ് ഉത്തരവ് ഇറക്കിയത്.
സര്ക്കാര് അനുമതി ഇല്ലാതെ പുസ്തകം എഴുതിയതിനാണ് ജേക്കബ് തോമസിനെ സര്ക്കാര് വീണ്ടും സസ്പെന്ഡ് ചെയ്തത്. സ്രാവുകള്ക്കൊപ്പം നീന്തുമ്പോള് എന്ന പുസ്തകത്തിലെ ചില വെളിപ്പെടുത്തലുകള് വിവാദമായിരുന്നു. തുടര്ന്ന്
ജേക്കബ് തോമസിന്റെ നടപടി സര്വീസ് ചട്ടങ്ങളുടെ ലംഘനമാണോ എന്ന് പരിശോധിക്കാന് സര്ക്കാര് സമിതിയെ നിയോഗിച്ചിരുന്നു. എന്നാല് ജേക്കബ് തോമസ് സമിതിക്ക് മുന്നില് ഹാജരായിരുന്നില്ല.
ഇതേത്തുടര്ന്നാണ് കര്ശന നടപടി സ്വീകരിക്കാന് സര്ക്കാര് തീരുമാനിച്ചത്. നേരത്തെ ഓഖി ദുരന്തവുമായി ബന്ധപ്പെട്ട് സര്ക്കാരിനെതിരെ വിവാദപ്രസ്താവന നടത്തിയതിന് ജേക്കബ് തോമസിനെ സര്ക്കാര് സസ്പെന്ഡ് ചെയ്തിരുന്നു. ഒരു സസ്പെന്ഷന് മേല് മറ്റൊരു സസ്പെന്ഷന് കൂടി ഒരു ഉദ്യോഗസ്ഥന് ലഭിക്കുന്നത് സംസ്ഥാനത്ത് അപൂര്വ സംഭവമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ