കൊച്ചി: പതിനഞ്ചുകാരിയെ സ്ഥാനം മാറി ശസ്ത്രക്രിയ ചെയ്തതായി പരാതി. കൊച്ചി മരടിലെ സ്വകാര്യ ആശുപത്രിക്കെതിരെയാണ് ആരോപണം. വലത് തുടയിലെ പഴുപ്പിനെ തുടര്ന്ന് ഇന്നലെ ഉച്ചയ്ക്കാണ് പെണ്കുട്ടിയെ ആശുപത്രിയില് ശസ്ത്രക്രിയയ്ക്ക് പ്രവേശിപ്പിച്ചത്.
വൈകീട്ട് പെണ്കുട്ടി അസ്വസ്ഥത പ്രകടിപ്പിച്ചതിനെ തുടര്ന്ന് അമ്മ പരിശോധിച്ചപ്പോള് വലത് തുടയ്ക്ക് പകരം ഇടതു തുടയിലാണ് ശസ്ത്രക്രിയ നടത്തിയതെന്ന് അറിയുന്നത്. നടത്തിയതെന്ന് അറിയുന്നത്. ശസ്ത്രക്രിയ നടത്തിയ ഭാഗത്ത് നിന്ന് രക്തം ഒലിച്ചിറങ്ങുകയും ചെയ്തു. രക്ഷിതാക്കള് ആശുപത്രി അധികൃതരെ ബന്ധപ്പെട്ടപ്പോള് ആരും മറുപടി നല്കിയില്ല. തുടര്ന്ന് പോലീസില് പരാതി നല്കുകയായിരുന്നു.
ഇടത് തുടയിലാണ് പഴുപ്പെന്നാണ് ശസ്ത്രക്രിയ നടത്തിയ ഡോക്ടര് പോലീസിന് നല്കുന്ന വിശദീകരണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ