തിരുവനന്തപുരം: മണ്ഡല- മകര വിളക്ക് സീസണില് അയ്യപ്പ ഭക്തന്മാര്ക്ക് വേണ്ടി സൗജന്യ സര്വ്വീസ് നടത്തുമെന്ന് കെഎസ്ആര്ടിസി. ത്രിവേണി മുതല് പമ്പവരെയാണ് സര്വ്വീസ് നടത്തുക. നേരത്തെ 10 രൂപയാണ് ഈ യാത്രയ്ക്ക് ഈടാക്കിയിരുന്നത്.
ചെയിന് സര്വ്വീസ് നടത്തുന്ന ബസുകള് സാധാരണ നിലയില് സര്വ്വീസ് നടത്തുമെന്നും കോടതി നിര്ദ്ദേശപ്രകാരം നടത്തുന്ന ഷട്ടില് സര്വ്വീസുകളിലാണ് സൗജന്യ യാത്ര അനുവദിക്കുകയെന്നും കെഎസ്ആര്ടിസി വ്യക്തമാക്കി. കെഎസ്ആര്ടിസിയുടെ ദീര്ഘ ദൂര സര്വ്വീസുകളും ത്രിവേണി വരെ സര്വ്വീസ് നടത്തും.
മണ്ഡല-മകരവിളക്ക് കാലത്ത് കെഎസആര്ടിസിക്ക് നല്ല രീതിയില് നേട്ടമുണ്ടാക്കിയിരുന്ന സര്വ്വീസാണ് ഭക്തര്ക്ക് വേണ്ടി സൗജന്യമായി നല്കാന് തീരുമാനിച്ചിരിക്കുന്നതെന്ന് കെഎസ്ആര്ടിസി അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ