തിരുവനന്തപുരം: അംഗൻവാടിയിൽ പോകാൻ ഓട്ടോറിക്ഷ കാത്തുനിന്ന് മൂന്ന് വയസുകാരി ശിവന്യയ്ക്ക് ദാരുണാന്ത്യം. റോഡരികിൽ ഓട്ടോ കാത്തുനിന്ന ശിവന്യയെ അതിവേഗം പാഞ്ഞെത്തിയ നാനോ കാർ ഇടിച്ച് തെറിപ്പിക്കുകയായിരുന്നു. തിങ്കളാഴ്ച രാവിലെയാണ് അപകടം സംഭവിച്ചത്.
പതിവായി പോകുന്ന ഓട്ടോ വരുന്നത് കണ്ട് റോഡിലേക്ക് കേറിനിന്ന ശിവന്യയെ കാർ ഇടിച്ചിടുകയായിരുന്നു. ഉടൻ തന്നെ നാട്ടുകാർ ചേർന്ന് കുട്ടിയെ അടുത്തുള്ള താലൂക്ക് ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. സജിത്ത് എന്നയാളാണ് അപകടസമയം കാർ ഓടിച്ചിരുന്നത്. കുട്ടിയെ ഇടിച്ച് നിർത്താതെപോയ കാർ പിന്നീട് പൊലീസ് കസ്റ്റഡിയിലെടുത്തു. എന്നാൽ സജിത്ത് ഒളിവിലാണ്.
ആറ്റിങ്ങൽ കരിക്കകംകുന്ന് സ്വദേശികളായ ഷിബു - ശാലിനി ദമ്പതികളുടെ ഇളയമകളാണ് ശിവന്യ. നാലാം ക്ലാസ് വിദ്യാർത്ഥിനിയായ ശിവാനിയാണ് സഹോദരി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ