കോഴിക്കോട് : കോഴിക്കോട് പേരാമ്പ്രയിൽ നാലു വീടുകൾക്കും ഹോട്ടലിനും നേരെ ബോംബേറ്. രണ്ടു സിപിഎം പ്രവർത്തകരുടെയും രണ്ടു ശിവജിസേനാ പ്രവർത്തകരുടെയും വീടിന് നേരെയാണ് ഇന്നലെ അർധരാത്രിയോടെയാണ് ആക്രമണമുണ്ടായത്. ആക്രമണത്തിൽ വീടുകളുടെ ചില്ലുകൾ തകർന്നു. എന്നാൽ ആർക്കും പരിക്കേറ്റിട്ടില്ലെന്നാണ് റിപ്പോർട്ട്.
ശിവജി സേന പ്രവർത്തകന്റെ അച്ഛന്റെ ഹോട്ടലിന് നേർക്കാണ് ആക്രമണം ഉണ്ടായിട്ടുള്ളത്. വിഷു ദിനത്തിൽ പേരാമ്പ്രയിൽ ശിവജി സേന-ഡിവൈഎഫ്ഐ, സിപിഎം പ്രവർത്തകർ തമ്മിൽ അസ്വാരസ്യം ഉണ്ടായിരുന്നു. ഇതാണ് ബോംബേറിൽ കലാശിച്ചതെന്നാണ് പോലീസ് പറയുന്നത്. സംഭവത്തിൽ പോലീസ് അന്വേഷണം തുടങ്ങി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ