തിരുവനന്തപുരം: ശബരിമല സംഭവങ്ങളുമായി ബന്ധപ്പെട്ട കേസുകളിൽ ഉൾപ്പെട്ട സ്ത്രീകളെ അറസ്റ്റ് ചെയ്യരുതെന്ന് പൊലീസിന് കർശനനിർദേശം. കൃത്യമായ പരിശോധനക്കുശേഷം മാത്രമേ കൂടുതൽ കേസുകൾ രജിസ്റ്റർ ചെയ്യാവൂ എന്ന് സംസ്ഥാന പൊലീസ് മേധാവി നിർദേശം നൽകി. നാമജപ ഘോഷയാത്രയിൽ പങ്കെടുത്തതിന്റെ പേരിൽ കേസെടുക്കരുതെന്നും അറിയിച്ചു.
നാമജപ ഘോഷയാത്രയിൽ പങ്കെടുത്തവർക്കെതിരെ തിരുവനന്തപുരം ആറ്റിങ്ങലിൽ മാത്രമാണ് കേസെടുത്തത്. നടപടിക്കെതിരെ എൻ.എൻ.എസ് അടക്കമുള്ള സംഘടനകൾ രംഗത്തെത്തിയ സാഹചര്യത്തിലാണ് സർക്കാർ നിർദേശ പ്രകാരം ഡി.ജി.പി ഇക്കാര്യം അറിയിച്ചത്. പ്രതിഷേധിക്കുന്നതിന്റെ പേരിൽ അറസ്റ്റ് പാടില്ലെന്നും നിർദേശിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
