കൊച്ചി: പ്രളയക്കെടുതിയിൽ എല്ലാം നഷ്ടപ്പെട്ട് കഷ്ടപ്പെടുന്ന മലയാളികളെ സഹായിക്കാനവ് തെലുങ്ക് ബാലതാരവും. നിരവധി സിനിമയിലും പരസ്യങ്ങളിലും വേഷമിട്ട ഹൈദരാബാദ് സ്വദേശിനി സായ് ഹൻസികയാണ്(10) കൊച്ചിയിലെത്തി ദുരിതബാധിതർക്ക് വേണ്ടി സേവനമനുഷ്ഠിച്ചത്. കാക്കനാട് പ്രവർത്തിക്കുന്ന ദുരിതാശ്വാസ കിറ്റ് തയാറാക്കുന്ന വിഭാഗത്തിൽ വളൻറിയറായും പ്രവർത്തിച്ചു.
കലക്ടറേറ്റിൽ നടന്നുവരുന്ന കിറ്റ് തയാറാക്കലിന് നിരവധി പേരാണ് വളൻറിയർമാരായി എത്തുന്നത്. പ്രളയബാധിതർക്ക് സഹായം ചെയ്യാനെത്തിയ സായ് ഇതിനെക്കുറിച്ച് മനസ്സിലാക്കിയാണ് കലക്ടറേറ്റിലെത്തുന്നത്. മരുന്നുകളും വസ്ത്രങ്ങളുമടക്കം ഒരുലക്ഷം രൂപയുടെ സാധനങ്ങൾ ദുരിതമനുഭവിക്കുന്നവർക്കായി സായി എത്തിച്ചിരുന്നു.
കുട്ടികൾക്കുള്ള പുതുവസ്ത്രങ്ങൾ, ബാഗ്, കുട, പുസ്തകം, പെൻസിൽ തുടങ്ങി സ്കൂൾ സാമഗ്രികളും ദുരിതബാധിത പ്രദേശങ്ങളിലെത്തി വിതരണം ചെയ്തു. കഴിഞ്ഞ വെള്ളിയാഴ്ച ഡെപ്യൂട്ടി കലക്ടർ സുനിൽ ജോസഫിന്റെ സഹായത്തോടെയാണ് ഇവ വിതരണം ചെയ്തത്. 35 ഓളം സിനിമകളിലും 15 പരസ്യങ്ങളിലും സായി അഭിനയിച്ചിട്ടുണ്ട്. സി സുന്ദറിെൻറയും ഗീതയുടെയും മകളായ സായി ലിറ്റിൽ മിസ് ഇന്ത്യ പട്ടം നേടിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ