കൊച്ചി: ദുരിതാശ്വാസ നിധിയിലേക്കു ജീവനക്കാരില്നിന്നു നിര്ബന്ധിതമായി ശമ്പളം പിരിക്കുന്നത് കൊള്ളയെന്നു ഹൈക്കോടതി. നിര്ബന്ധമായി ശമ്പളം പിടിക്കുന്നതിനെതിരെ തിരുവിതാംകൂര് ദേവസ്വം ബോര്ഡ് ജീവനക്കാര് നല്കിയ ഹര്ജിയിലാണ് ഹൈക്കോടതി നിരീക്ഷണം.
ദുരിതാശ്വാ നിധിയിലേക്ക് ഒരു മാസത്തെ ശമ്പളം സംഭാവന നല്കി സഹകരിക്കണമെന്നാണ് മുഖ്യമന്ത്രി സാലറി ചലഞ്ചില് അഭ്യര്ഥിച്ചതെന്ന് ഹൈക്കോടതി ചൂണ്ടിക്കാട്ടി. ഇതിന്റെ പേരില് നിര്ബന്ധമായി ശമ്പളം പിടിക്കുന്നത് ശരിയല്ല. ഇതു കൊള്ളയാണെന്ന് കോടതി അഭിപ്രായപ്പെട്ടു.
നിര്ബന്ധിതമായി ശമ്പളം പിടിക്കാനുള്ള ഉത്തരവ് പുനപ്പരിശോധിക്കുമെന്ന് ദേവസ്വം ബോര്ഡ് കോടതിയെ അറിയിച്ചിട്ടുണ്ട്. കേസ് മറ്റന്നാള് വീണ്ടും പരിഗണിക്കും.
സാലറി ചലഞ്ചിനെതിരെ സംസ്ഥാന സര്ക്കാര് ജീവനക്കാരില് ഒരു വിഭാഗത്തില്നിന്ന് രൂക്ഷമായ എതിര്പ്പ് ഉയരുന്ന പശ്ചാത്തലത്തലാണ്, ദേവസ്വം ജീവനക്കാരില്നിന്ന് നിര്ബന്ധമായി ശമ്പളം പിടിക്കുന്നതിന് എതിരെ ഹൈക്കോടതിയുടെ നിരീക്ഷണം വന്നിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ