കൊച്ചി: സെപ്റ്റംബര് ഒന്നുവരെയുളള മൂന്നുദിവസം കേരളത്തില് ശക്തമായ മഴക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ഇന്ന് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, ഇടുക്കി ജില്ലകളിലാണ് യെല്ലോ അലര്ട്ട്. ഇവിടെ ഒറ്റപ്പെട്ട മഴയ്ക്ക് സാധ്യതയുണ്ട്. കേരളത്തിലും ലക്ഷദ്വീപിലും പരക്കെ മഴ ലഭിക്കുമെന്നാണ് പ്രവചനം.
സെപ്റ്റംബര് ഒന്ന് വരെ കേരളത്തിലും ലക്ഷദ്വീപിലും പരക്കെ ഇടിമിന്നലോടു കൂടിയ മഴ ലഭിക്കുമെന്നാണ് കാലാവസ്ഥാ വകുപ്പിന്റെ റിപ്പോര്ട്ടില് പറയുന്നത്. ഇന്ന് ചില പ്രദേശങ്ങളില് 7 മുതല് 11 സെന്റിമീറ്റര്വരെ മഴ ലഭിച്ചേക്കാമെന്നും മുന്നറിയിപ്പില് പറയുന്നു.
തെക്കുപടിഞ്ഞാറന് ദിശയില് നിന്ന് 45-55 കിലോമീറ്റര് വേഗതയില് ശക്തമായ കാറ്റ് വീശിയേക്കും. തെക്ക്കിഴക്ക്, മധ്യ ബംഗാള് ഉള്ക്കടലില് മത്സ്യത്തൊഴിലാളികള് മത്സ്യബന്ധനത്തിന് പോകരുതെന്ന് മുന്നറിയിപ്പില് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ