കൊച്ചി: കൊച്ചി നഗരത്തില്‍ വന്‍ തീപിടിത്തം. എറണാകുളം സൗത്ത് റെയില്‍വേ സ്റ്റേഷന് സമീപത്തെ പാരഗണ്‍ ചെരുപ്പ് ഗോഡൗണിലാണ് തീപിടിത്തം ഉണ്ടായത്. ആളപായമില്ല എന്നാണ് പ്രാഥമിക വിവരം. തീ അണയ്ക്കാനുളള ശ്രമം തുടരുന്നു.
ബുധനാഴ്ച രാവിലെയോടെയാണ് ചെരുപ്പ് ഗോഡൗണില്‍ തീപിടിത്തം ഉണ്ടായത്. തീപിടിക്കാനുളള കാരണം വ്യക്തമല്ല. നാലുനില കെട്ടിടം പൂര്‍ണമായി അഗ്നിക്കിരയായിരിക്കുകയാണ്. തീ അണയ്ക്കാനുളള ശ്രമം തുടരുന്നു. കൂടുതല്‍ ഫയര്‍ഫോഴ്‌സ് യൂണിറ്റുകളെ എത്തിച്ച് തീ അണയ്ക്കാനുളള ശ്രമമാണ് തുടരുന്നത്.
കെട്ടിടത്തിന് തീപിടിച്ചതോടെ മുന്‍കരുതല്‍ നടപടിയെന്നോണം തൊട്ടടുത്ത കെട്ടിടങ്ങളില്‍ നിന്നുളളവരെ ഒഴിപ്പിച്ചു. സൗത്ത് റെയില്‍വേ സ്റ്റേഷനിലേക്കുളള പ്രധാന റോഡിന് അരികിലുളള പാരഗണ്‍ ഗോഡൗണിലാണ് തീപിടിത്തം ഉണ്ടായത്. ഇതോടെ റോഡില്‍ വാഹനഗതാഗതവും തടസ്സപ്പെട്ടു. തൊട്ടടുത്തുളള മെട്രോ ജോലികളും നിര്‍ത്തിവെച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
