കൊല്ലം: നീണ്ടകരയില് നിന്ന് മത്സ്യബന്ധനത്തിന് പോയി കാണാതായ ഒരു മത്സ്യത്തൊഴിലാളി മരിച്ചു.തമിഴ്നാട് സ്വദേശി സഹായ് രാജിന്റെ മൃതദേഹമാണ് കണ്ടെത്തിയത്. തിരുവനന്തപുരം അഞ്ചുതെങ്ങിലാണ് സഹായ് രാജിന്റെ മൃതദേഹം തീരത്തടിഞ്ഞത്.
വെളളിയാഴ്ചയാണ് സഹായ് രാജ് ഉള്പ്പെടെ നീണ്ടകരയില് നിന്ന് മത്സ്യബന്ധനത്തിന് പോയ മൂന്നു മത്സ്യത്തൊഴിലാളികളെ കാണാതായത്. തമിഴ്നാട് സ്വദേശികളായ ലൂര്ദ് രാജ്, ജോണ് ബോസ്കോ എന്നിവരെ കണ്ടെത്തുന്നതിനുളള തെരച്ചില് തുടരുകയാണ്.
മീന്പിടിക്കുന്നതിനിടെ ബോട്ട് മറിഞ്ഞാണ് അപകടമുണ്ടായത്.
വിഴിഞ്ഞം തീരത്തുനിന്ന് ബുധനാഴ്ച വൈകീട്ട് മീന്പിടിക്കാന് പോയി കടലില് കുടുങ്ങിയ നാലു മത്സ്യത്തൊഴിലാളികള് ശനിയാഴ്ച മടങ്ങിയെത്തിയിരുന്നു. ഉള്ക്കടലില് കുടുങ്ങിയ ഇവരെ തെരച്ചിലിന് പോയ മത്സ്യത്തൊഴിലാളികളാണ് രക്ഷിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ