ആലപ്പുഴ: റമ്പൂട്ടാന് പഴത്തിന്റെ കുരു തൊണ്ടയില് കുരുങ്ങി പിഞ്ചുകുഞ്ഞിന് ദാരുണാന്ത്യം. പാണാവള്ളി പഞ്ചായത്ത് അരയങ്കാവ് ആനന്ദശ്ശേരി വീട്ടില് വിപിന്ലാല്(വിഷ്ണു)കൃഷ്ണമോള് ദമ്പതികളുടെ ഒന്പത് മാസം പ്രായമുള്ള മകന് അശ്വിന് വിഷ്ണുവാണ് മരിച്ചത്.
ഞായറാഴ്ച ഉച്ചയോടെ വീട്ടില് വെച്ചാണ് സംഭവം. അമ്മൂമ്മയുടെയും അയല്പക്കത്തെ കുട്ടികളോടെപ്പം കളിച്ചു കൊണ്ടിരുന്നപ്പോള് റമ്പൂട്ടാന്റെ കുരു തൊണ്ടയില് കുടുങ്ങുകയായിരുന്നു. തൊണ്ടയില് കുരു കുടുങ്ങിയതോടെ കുഞ്ഞിന് ശ്വാസതടസം നേരിട്ടു.
ഉടന് ബന്ധുക്കളും അയല്ക്കാരും ചേര്ന്ന് അടുത്തുള്ള ഡോക്ടറുടെ അടുത്തും തുടര്ന്ന് സ്വകാര്യ ആശുപത്രിയിലും എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം ആലപ്പുഴ വണ്ടാനം മെഡിക്കല് കോളേജ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. ആയുഷ് വിഷ്ണു സഹോദരനാണ്. ശവസംസ്കാരം തിങ്കളാഴ്ച 12ന് വീട്ടുവളപ്പില് നടത്തും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ