കൊച്ചി: വാളയാര് പീഡനക്കേസിലെ പ്രതികളെ വെറുതെ വിട്ട നടപടിക്ക് പിന്നാലെ മാവോയിസ്റ്റ് വേട്ടയിലും സര്ക്കാരിനെതിരെ വിവിധ കോണുകളില് നിന്ന് വിമര്ശനങ്ങള് ഉയരുകായണ്. കുഞ്ഞുങ്ങളുടെ മരണത്തില് ഉയരുന്ന പ്രതിഷേധത്തില് നിന്നും ശ്രദ്ധ തിരിയിക്കാനുള്ള ശ്രമമാണെന്നാണ് ആക്ഷേപം. അട്ടപ്പാടിയില് ഇപ്പോഴും ഏറ്റുമുട്ടലില് തുടരുകയാണ്. ഇതിനിടയില് നടന് ജോയ് മാത്യു മുഖ്യമന്ത്രിയെയും പൊലീസിനെയും ശക്തമായി വിമര്ശിച്ച് രംഗത്തെത്തി.
'ചുവരെഴുതുക,പോസ്റ്റര് ഒട്ടിക്കുക, അരി, പഞ്ചസാര എന്നിവ ആദിവാസികളില് നിന്നും പിരിക്കുക തുടങ്ങിയ രാജ്യദ്രോഹപരമായ കുറ്റകൃത്യങ്ങള് ചെയ്യുകയും കയ്യില് തോക്കുണ്ടായിട്ടും ഒരു സ്ത്രീ പീഡകനെയോ,അഴിമതിക്കാരനെയോ കുട്ടികളെ കൊന്നു കെട്ടിത്തൂക്കുന്നവരെയോ വെടിവെക്കാന് നില്ക്കാതെ വനത്തിനുള്ളില് ഒരാവശ്യവുമില്ലാതെ ഒളിച്ചിരിക്കുകയും ചെയ്യുന്ന ഏഴോളം മാവോയിസ്റ് ഭീകരരെ അതിഭയങ്കരമായ ഏറ്റുമുട്ടലിലൂടെ വെടിവെച്ചു കൊന്ന് കേരളത്തിലെ പാവങ്ങളെ രക്ഷിച്ച ധീര സഖാവ് പിണറായി വിജയനും ഒരു പരിക്ക് പോലും ഏല്ക്കാത്ത അദ്ദേഹത്തിന്റെ പൊലീസ് സൈന്യത്തിനും ചെഗുവേരയുടെ പേരില് അഭിവാദ്യങ്ങള്.' അദ്ദേഹം ഫെയ്സ്ബുക്കില് കുറിച്ചു.
അതേസമയം അട്ടപ്പാടിയില് മാവോയിസ്റ്റുകള് കൊല്ലപ്പെട്ടതിനെക്കുറിച്ച് സുപ്രീംകോടതി മാര്ഗരേഖയനുസരിച്ചുള്ള അന്വേഷണം നടത്തുമെന്ന് ഡിജിപി ലോക്നാഥ് ബെഹ്റ പറഞ്ഞു. െ്രെകംബ്രാഞ്ച് അന്വേഷണവും മജിസ്റ്റീരിയല് അന്വേഷണവുമാണ് ഇത്തരം കേസുകളില് കോടതി നിര്ദേശിച്ചിട്ടുള്ളത്. ഏറ്റുമുട്ടലിന്റെ പൂര്ണവിവരങ്ങള് റിപ്പോര്ട്ടായി ലഭിച്ചശേഷം പ്രതികരിക്കാമെന്നും ഡിജിപി തിരുവനന്തപുരത്ത് പറഞ്ഞു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ