തിരുവനന്തപുരം: മഴ ശക്തമായ സാഹചര്യത്തില് സംസ്ഥാനത്തെ എല്ലാ ജില്ലകളിലും വ്യാഴാഴ്ച യെല്ലോ അലര്ട്ട് പ്രഖ്യാപിച്ചു. സംസ്ഥാനമൊട്ടുക്ക് വ്യാപകമായ മഴ തുടരുമെന്നാണ് കാലാവസ്ഥാ മുന്നറിയിപ്പ്.
ഇന്നു നാലു ജില്ലകളില് മാത്രമാണ് നേരത്തെ യെല്ലോ അര്ട്ട് പ്രഖ്യാപിച്ചിരുന്നത്. എന്നാല് കാലവര്ഷം ശക്തിപ്പെട്ട പശ്ചാത്തലത്തില് ഉച്ചയ്ക്കുള്ള മുന്നറിയിപ്പില് സംസ്ഥാനമെമ്പാടും അലര്ട്ട് പ്രഖ്യാപിച്ചു. മഴക്കെടുതികളില് ജാഗ്രതയോടെയിരിക്കാന് അധികൃതര്ക്കു മുന്നറിയിപ്പുണ്ട്.
നാളെ ഒന്പതു ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്. കാസര്ക്കോട്, കണ്ണൂര്, കോഴിക്കോട്, മലപ്പുറം, പാലക്കാട്, തൃശൂര്, ഇടുക്കി, എറണാകുളം, ആലപ്പുഴ ജില്ലകളില് ശക്തമായ മഴയ്ക്കു സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ശനിയാഴ്ച മലപ്പുറം, കോഴിക്കോട്, കണ്ണൂര്, കാസര്ക്കോട് ജില്ലകളിലാണ് യെല്ലോ അലര്ട്ടുള്ളത്.
മഴ ശക്തമായെങ്കിലും കേരള തീരത്ത് മത്സ്യത്തൊഴിലാളികള്ക്ക് പ്രത്യേക കാലാവസ്ഥാ മുന്നറിയിപ്പില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ