തിരുവനന്തപുരം: തെരഞ്ഞെടുപ്പ് പ്രചാരണത്തിന്റെ ഭാഗമായി പ്രധാനമന്ത്രി നരേന്ദ്രമോദിയെ ശബരിമലയില് എത്തിക്കാന് ബിജെപി നീക്കം നടത്തുന്നതായി റിപ്പോര്ട്ടുകള്. രണ്ടാംഘട്ട പ്രചാരണത്തിനായി കേരളത്തിലെത്തുമ്പോള് നരേന്ദ്രമോദിയെ ശബരിമലയിലേക്ക് കൊണ്ടുവരാനാണ് ബിജെപി സംസ്ഥാന നേതൃത്വത്തിന്റെ ആലോചന. ഇക്കാര്യം സംസ്ഥാന നേതൃത്വത്തിലെ ഒരുവിഭാഗം കേന്ദ്രനേതൃത്വവുമായി ചര്ച്ച ചെയ്തെന്നാണ് സൂചന.
ഏപ്രില് 12നാണ് മോദി ആദ്യഘട്ട പ്രചാരണത്തിനായി കേരളത്തിലേക്ക് വരുന്നത്. തുടര്ന്ന് ഏപ്രില് 18നും അദ്ദേഹം കേരളത്തിലെത്തും. മോദി ശബരിമല സന്ദര്ശനം നടത്തുന്നത് ഗുണകരമാകും എന്ന വിലയിരുത്തലിലാണ് സംസ്ഥാന നേതൃത്വം.പ്രധാനമന്ത്രിക്ക് വരാന് ബുദ്ധിമുട്ടാണെങ്കില് ദേശീയ അധ്യക്ഷന് അമിത് ഷായെ ശബരിമലയിലെത്തിക്കാനും ബിജെപി ആലോചിക്കുന്നുണ്ട്. നേരത്തെ ശബരിമല പ്രക്ഷോഭ സമയത്ത് അമിത് ഷാ ശബരിമലിയിലെത്തുമെന്ന് അറിയിച്ചിരുന്നെങ്കിലും സന്ദര്ശനം മാറ്റിവയ്ക്കുകയായിരുന്നു. തെരഞ്ഞെടുപ്പ് പ്രചാരണങ്ങള്ക്കായി ശബരിമല സുപ്രീംകോടതി വിധി ദുരപയോഗം ചെയ്യരുത് മുഖ്യ തെരഞ്ഞെടുപ്പ് ഓഫീസര് ഉത്തരവിട്ടിരുന്നു. ഇതിനെതിരെ ബിജെപി രംഗത്തെത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ