ചേർത്തല: സിപിഐ പ്രാദേശിക നേതാവിനെ ക്വട്ടേഷൻ സംഘം ആക്രമിച്ചു. ആലപ്പുഴ ചേര്‍ത്തലയിലാണ് സംഭവം. സിപിഐ കളവംകോടം സൗത്ത് ബ്രാഞ്ച് കമ്മിറ്റിയംഗവും എഐവൈഎഫ് മുൻ മേഖല കമ്മിറ്റിയംഗവുമായ കളവംകോടം കുടൂരത്തിൽ ത്യാഗരാജന്റെ മകൻ കണ്ണനെ (32 )യാണ് ഗുണ്ടാ സംഘം ആക്രമിച്ചത്.
വടിവാളും ഇരുമ്പ് വടിയും ഉപയോഗിച്ച് അഞ്ചംഗ സംഘമാണ് ആക്രമിച്ചത്. അക്രമത്തില്‍ ഗുരുതരമായി പരിക്കേറ്റ കണ്ണനെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ഇന്നലെ രാത്രി 10 മണിയോടെ ചേർത്തല കെഎസ്ആർടിസി ബസ് സ്റ്റാൻഡിനു കിഴക്കുവശം തണ്ണീർമുക്കം റോഡിൽ വച്ചാണ് സംഭവം. ക്വട്ടേഷൻ സംഘങ്ങൾ തമ്മിലുള്ള പകപോക്കലിൽ ആളുമാറി അക്രമിച്ചതാണെന്ന് കണ്ണൻ പറയുന്നു. ചേർത്തല പൊലീസ് കേസെടുത്തു അന്വഷണം ആരംഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
