കൊച്ചി: മഞ്ചേശ്വരം നിയമസഭാ മണ്ഡലത്തിലെ തിരഞ്ഞെടുപ്പ് ഫലം റദ്ദാക്കണമെന്ന് ആവശ്യപ്പെട്ട് ബിജെപി നേതാവ് കെ സുരേന്ദ്രന് സമര്പ്പിച്ച ഹര്ജി ഇന്ന് ഹൈക്കോടതി വീണ്ടും പരിഗണിക്കും. സിറ്റിങ് എംഎല്എ ആയിരുന്ന പി ബി അബ്ദുള് റസാഖ് മരിച്ച സാഹചര്യത്തിലും കേസുമായി മുന്നോട്ട് പോകാനാണ് തീരുമാനം എന്നറിയച്ചതോടെ അദ്ദേഹത്തിന്റെ മകനെ എതിര്കക്ഷിയാക്കി കോടതി നടപടികള് തുടരുകയായിരുന്നു.
മരിച്ചുപോയവരുടെയും വിദേശത്തുള്ളവരുടെയും പേരില് അബ്ദുള് റസാഖിന് വോട്ട് ലഭിച്ചിട്ടുണ്ടെന്നും ഈ വോട്ടുകള് ഒഴിവാക്കിയാല് താന് വിജയിക്കുമെന്നും സുരേന്ദ്രന് വാദിക്കുന്നു. 89 വോട്ടിന്റെ ഭൂരിപക്ഷത്തിനാണ് അബ്ദുള് റസാഖ് നിയമസഭയിലെത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ