തിരുവനന്തപുരം: ട്രാഫിക് പോലീസ് നഗരത്തില് ഏര്പ്പെടുത്തുന്ന ഗതാഗത നിയന്ത്രണങ്ങളും മുന്നറിയിപ്പുകളും ഇനി വിരല് തുമ്പില്. ഗതാഗതക്കുരുക്ക്, ഡൈവര്ഷന്സ്, മുന്നറിയിപ്പുകള് തുടങ്ങി എല്ലാം തത്സമയം പൊതുജനങ്ങള്ക്ക് "ക്യുകോപ്പി' എന്ന മൊബൈല് ആപ്പ് പ്ലാറ്റ് ഫോമിലൂടെ ലഭ്യമാക്കാനുളള നടപടികളാണ് ട്രാഫിക് പോലീസ് സ്വീകരിച്ചിരിക്കുന്നത്. നിലവിൽ തിരുവനന്തപുരം സിറ്റി, കോഴിക്കോട് സിറ്റി എന്നിവിടങ്ങളിലാണ് ഈ സേവനം ലഭ്യമാകുക . മറ്റു ജില്ലകളിലും ഉടന് ഈ സൗകര്യം വ്യാപിപ്പിക്കും.
നേരത്തെ ക്യുകോപ്പി ആപ്പ് വഴി സേവനം ലഭ്യമാക്കിയിരുന്നെങ്കിലും പൂര്ണമായും വിജയിച്ചിരുന്നില്ല. തുടര്ന്നാണ് നവീകരിച്ച ക്യുകോപ്പി സംവിധാനവുമായി പോലീസെത്തിയത്. സിറ്റി പോലീസ്, ട്രാഫിക് പോലീസ് അലര്ട്ട് നമ്പര് സേവ് ചെയ്തശേഷം പ്ലേ സ്റ്റോറില് നിന്നോ ആപ്പ് സ്റ്റോറില് നിന്നോ ക്യൂകോപ്പി മൊബൈല് ആപ്പ് ഡൗണ്ലോഡ് ചെയ്തു ഇന്സ്റ്റാള് ചെയ്യണം. ഈ ആപ്പിലൂടെ മൊബൈലിലേക്ക് നഗരത്തിലെ ഗതാഗതക്കുരുക്ക് , വഴി തിരിച്ചുവിടലുകള് തുടങ്ങിയ വിവരങ്ങള് കൃത്യമായി ലഭിക്കും. നഗരത്തിലെ ഗതാഗതപ്രശ്നങ്ങള് മുന്കൂട്ടി അറിയാനും അതനുസരിച്ച് യാത്രകള് ക്രമപ്പെടുത്താനും ഈ സംവിധാനം സഹായകമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ