കേരള പുനർ നിർമാണത്തിനായി  വൻ പദ്ധതികൾ ; ബജറ്റിൽ ജനപ്രിയ നിർദേശങ്ങൾ ഉണ്ടാകുമെന്ന് ധനമന്ത്രി

തി​രു​വ​ന​ന്ത​പു​രം: ‌2019-20 സാ​മ്പ​ത്തി​ക വ​ർ​ഷ​ത്തെ സം​സ്ഥാ​ന ബജറ്റിൽ ജനപ്രിയ നിർദേശങ്ങൾ ഉണ്ടാകുമെന്ന് ഡോ ​ടി ​എം ​തോ​മ​സ് ഐ​സ​ക്ക്. കേരള പുനർ നിർമാണത്തിനായി  വലിയ പദ്ധതികൾ ഇത്തവണത്തെ ബജറ്റിലുണ്ടാകും. അതോടൊപ്പം തന്നെ നിരവധി ക്ഷേമ പദ്ധതികളും പ്രഖ്യാപിക്കുമെന്നും തോമസ് ഐസക് പറഞ്ഞു.  ബ​ജ​റ്റ് അ​വ​ത​ര​ണ​ത്തി​നു പു​റ​പ്പെ​ടും മു​മ്പ് ഔ​ദ്യോ​ഗി​ക വ​സ​തി​യി​ൽ മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

പ്രളയം ഏറ്റവും കൂടുതൽ നാശനഷ്ടമുണ്ടാക്കിയ പ്രദേശങ്ങളുടെ പുനർ നിർമാണത്തിന് പ്രത്യേകമായി പദ്ധതികൾ ആവിഷ്കരിച്ചിട്ടുണ്ട്.  പ്ര​ള​യ സെ​സ് വി​ല​ക്ക​യ​റ്റ​ത്തി​നു ഇ​ട​യാ​ക്കി​ല്ലെ​ന്നും അ​ദ്ദേ​ഹം പ​റ​ഞ്ഞു. സം​സ്ഥാ​ന​ത്തി​ന്‍റെ സാ​മ്പ​ത്തി​ക പ്ര​തി​സ​ന്ധി മ​റി​ക​ട​ക്കു​ക​യാ​ണ് ആ​ദ്യ ല​ക്ഷ്യം. ​വ​രു​മാ​നം ഉ​യ​ർ​ത്താ​നു​ള്ള പ്രാ​യോ​ഗി​ക പ​രി​പാ​ടി ബ​ജ​റ്റി​ലു​ണ്ടാ​കും. 

നി​കു​തി ചോ​ർ​ച്ച ത​ട​യാ​ൻ ക​ർ​ശ​ന ന​ട​പ​ടി​യു​ണ്ടാ​കും. കേ​ര​ള​ത്തി​ന്‍റെ പ്ര​ള​യാ​ന​ന്ത​ര പു​ന​ർ​നി​ർ​മാ​ണ​ത്തി​നു ബ​ജ​റ്റ് ഊ​ന്ന​ൽ ന​ൽ​കും. ന​വ​കേ​ര​ള നി​ർ​മി​തി​ക്ക് പു​തി​യ പ​ദ്ധ​തി​ക​ൾ വ​രും. ഇ​വ ദീ​ർ​ഘ​വീ​ക്ഷ​ണ​ത്തോ​ടെ​യു​ള്ള പ​ദ്ധ​തി​ക​ളാ​യി​രി​ക്കും. സു​സ്ഥി​ര ധ​ന​സ്ഥി​തി​യി​ലേ​ക്ക് കേ​ര​ളം നീ​ങ്ങു​മെ​ന്നും ധ​ന​മ​ന്ത്രി പ​റ​ഞ്ഞു.

ജനപ്രിയ ബജറ്റാകുന്നതിനൊപ്പം തന്നെ കേരളത്തെ ഒരു സുസ്ഥിര വികസന ധനസ്ഥിതിയിലേക്ക് നയിക്കുന്ന ബജറ്റാകും അവതരിപ്പിക്കുക. സംസ്ഥാനം വലിയ സാമ്പത്തിക പ്രതിസന്ധി നേരിടുകയാണെന്നും അതുകൊണ്ടു തന്നെ ഏറ്റവും വലിയ വെല്ലുവിളി നേരിട്ട ബജറ്റാണ് ഇത്തവണത്തേതെന്നും ധനമന്ത്രി പറഞ്ഞു.