കൊച്ചി: പ്രധാനമന്ത്രിയുടെ സന്ദർശനത്തോടനുബന്ധിച്ച് ഇന്നും നാളെയും കൊച്ചി നഗരത്തിൽ ഗതാഗത നിയന്ത്രണങ്ങളും പാർക്കിങ് ക്രമീകരണങ്ങളും ഏർപ്പെടുത്തി. വെള്ളിയാഴ്ച രാത്രി 10.30 മുതൽ 12വരെ വാത്തുരത്തി റയിൽവേ ഗെയ്റ്റ്, നേവൽ ബേസ്, തേവര, പള്ളിമുക്ക്, ജോസ് ജങ്ഷൻ (എംജി റോഡ്), ഡിഎച്ച് റോഡ്, പാർക്ക് അവന്യു റോഡ് എന്നിവിടങ്ങളിൽ ഗതാഗത നിയന്ത്രണവും പാർക്കിങ് നിരോധനവും ഉണ്ടായിരിക്കും. ഇന്ന് രാത്രി 11.10 മുതൽ 11.40 വരെ ഈ റോഡിൽ വാഹന ഗതാഗതം അനുവദിക്കില്ല.
നാളെ രാവിലെ ആറ് മുതൽ 9.30 വരെ പാർക്ക് അവന്യു റോഡ്, ഡിഎച്ച് റോഡ്, എംജി റോഡ് മുതൽ വാത്തുരുത്തി റെയിൽവേ ഗെയ്റ്റ് വരെ ഗതാഗത നിയന്ത്രണവും പാർക്കിങ് നിരോധനവും ഉണ്ടായിരിക്കുന്നതാണ്. നാളെ രാവിലെ 8.30 മുതൽ 9.20 വരെ ഈ റോഡിൽ വാഹന ഗതാഗതം അനുവദിക്കുന്നതല്ല. ഈ സമയങ്ങളിൽ റോഡ് ഉപയോഗിക്കുന്നവർ യാത്രാ സമയം ക്രമീകരിക്കേണ്ടതും വിവിഐപി കടന്നു പോകുന്ന റൂട്ടിൽ നിന്ന് എയർപോർട്ടിലേക്കും മറ്റ് അത്യാവശ്യ സ്ഥലങ്ങളിലേക്കും സഞ്ചരിക്കേണ്ട യാത്രക്കാർ യാത്ര നേരത്തെയാക്കണം.
പശ്ചിമ കൊച്ചി ഭാഗങ്ങളിൽ നിന്ന് നഗരത്തിലേക്ക് വരുന്നവരും തിരികെ യാത്ര ചെയ്യുന്നവരും ബിഒടി ഈസ്റ്റ് ജങ്ഷനിൽ നിന്ന് തേവര ഫെറി- കുണ്ടന്നൂർ- വൈറ്റില വഴി തിരിഞ്ഞു പോകേണ്ടതാണ്. ഗതാഗത നിയന്ത്രണമുള്ള റോഡിന്റെ വശങ്ങളിൽ താമസിക്കുന്നവർ നിയന്ത്രണങ്ങൾ ഉള്ള സമയങ്ങളിൽ അവരുടെ വാഹനങ്ങൾ റോഡിൽ ഇറക്കാതെ ശ്രദ്ധിക്കേണ്ടതാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ