കൊച്ചി: കാലവര്ഷം ശക്തിപ്പെടുന്ന സാഹചര്യത്തില് ഭൂതത്താന്കെട്ട് ജലസംഭരണിയുടെ ഷട്ടറുകള് ഏതവസരത്തിലും തുറക്കാമെന്ന് പിവിഐപി സബ് ഡിവിഷന് 1 അസി. എഞ്ചിനീയര് അറിയിച്ചു. പെരിയാറില് ജലനിരപ്പ് ഉയരാന് സാധ്യതയുള്ളതിനാല് ഇരുകരകളിലുമുള്ളവര് ജാഗ്രത പുലര്ത്തണമെന്നും അദ്ദേഹം മുന്നറിയിപ്പ് നല്കി.
കേരളത്തില് തിങ്കള്,ചൊവ്വ, ബുധന് ദിവസങ്ങളില് കനത്ത മഴയ്ക്ക് സാധ്യതയെന്നാണ് കാലാവസ്ഥ നിരീക്ഷണ കേന്ദ്രത്തിന്റെ പ്രവചനം.
മൂന്ന് ദിവസം വിവിധ ജില്ലകളില് റെഡ് അലര്ട്ട് പ്രഖ്യാപിച്ചു. തിങ്കളാഴ്ച തൃശൂര് ജില്ലയിലും, ചൊവ്വാഴ്ച എറണാകുളം, മലപ്പുറം, കോഴിക്കോട് ജില്ലകളിലുമാണ് കേന്ദ്ര കാലാവസ്ഥ നിരീക്ഷണ കേന്ദ്രം 'റെഡ്' അലര്ട്ട് പ്രഖ്യാപിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ