കണ്ണൂര് : വടകര ലോക്സഭ മണ്ഡലത്തിലെ ഇടതുസ്ഥാനാര്ത്ഥി പി ജയരാജന് കഥയുടെ കുലപതി ടി പത്മനാഭനെ സന്ദര്ശിച്ചു. സാമൂഹ്യ-സാംസ്കാരിക രംഗത്തെ പ്രമുഖരുടെ പിന്തുണ തേടുന്നതിന്റെ ഭാഗമായിട്ടായിരുന്നു സന്ദര്ശനം. തിങ്കളാഴ്ച വൈകീട്ടാണ് ജയരാജന് പള്ളിക്കുന്നിലെ വീട്ടിലെത്തിയത്.
തെരഞ്ഞെടുപ്പ് വിശേഷങ്ങളും പൊതുകാര്യങ്ങളും പത്മനാഭന് ചോദിച്ചറിഞ്ഞു. കടുത്ത വേനലിലുള്ള തെരഞ്ഞെടുപ്പ് പ്രവര്ത്തനങ്ങള്ക്കിടയില് ആരോഗ്യകാര്യത്തില് പ്രത്യേകം ശ്രദ്ധിക്കണമെന്ന് പത്മനാഭന് നിര്ദേശിച്ചു.
എതിര്സ്ഥാനാര്ത്ഥി ആരെന്ന് വ്യക്തമായിട്ടില്ലെങ്കിലും, ജയരാജന്റെ വിജയം സുനിശ്ചിതമായിരിക്കുമെന്ന് പത്മനാഭന് പറഞ്ഞു. ജയിച്ചു വാ എന്ന അനുഗ്രഹത്തോടെയാണ് പത്മനാഭന് ജയരാജനെ യാത്രയാക്കിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ