വൈദ്യുതി ലൈനിൽ കഴുത്തു കുരുങ്ങി; കർഷകന് ദാരുണാന്ത്യം

കൊ​ച്ചി: പാ​ട്ട​ത്തി​നെ​ടു​ത്ത കൃ​ഷി​യി​ട​ത്തി​ൽ താ​ഴ്ന്നു കി​ട​ന്ന വൈ​ദ്യു​തി ലൈ​നി​ൽ ക​ഴു​ത്തു കു​രു​ങ്ങി ക​ർ​ഷ​ക​ൻ ഷോ​ക്കേ​റ്റ് മ​രി​ച്ചു. എ​റ​ണാ​കു​ളം കു​ന്നു​ക​ര അ​യി​രൂ​ർ ചി​റ​യ്ക്ക​ൽ ഔസേഫ് (75) ആ​ണ് മ​രി​ച്ച​ത്.

ചൊ​വ്വാ​ഴ്ച രാ​വി​ലെ ഏ​ഴി​ന് ആ​റ്റു​പു​റം ചാ​ല​ക്കു​ടി​പ്പു​ഴ തീ​ര​ത്തെ പാ​ട്ട​ത്തി​നു ന​ട​ത്തു​ന്ന ഏ​ത്ത​വാ​ഴ​ത്തോ​ട്ട​ത്തി​ൽ സ​ഹാ​യി​യൊടൊപ്പം മ​രു​ന്ന് ത​ളി​ക്കാ​ൻ എ​ത്തി​യ​പ്പോ​ഴാ​യി​രു​ന്നു ദു​ര​ന്തം. സ​പ്പോ​ർ​ട്ട് കേ​ബി​ളി​ൽ​നി​ന്ന് കെ​ട്ട​ഴി​ഞ്ഞ് വ​ള​രെ താ​ഴ്ന്നു കി​ട​ക്കു​ക​യാ​യി​രു​ന്നു വൈ​ദ്യു​തി ലൈ​ൻ. ഇ​ക്കാ​ര്യം ഔസേഫിന്റെ ശ്ര​ദ്ധ​യി​ൽ​പ്പെ​ട്ടി​ല്ല. കൃ​ഷി​യി​ട​ത്തി​ൽ ന​ട​ന്നു​നീ​ങ്ങു​ന്ന​തി​നി​ടെ​യാ​ണ് വൈ​ദ്യു​തി ലൈ​ൻ ഔസേഫിന്റെ ക​ഴു​ത്തി​ൽ കു​രു​ങ്ങി ഷോ​ക്കേ​റ്റ​ത്.

 അ​പ​ക​ടം ക​ണ്ട് ഓ​ടി​യെ​ത്തി​യ സ​ഹാ​യി ഉ​ണ​ങ്ങി​യ മ​ര​ക്കൊമ്പ് ഉ​പ​യോ​ഗി​ച്ച് ലൈ​ൻ വേ​ർ​പെ​ടു​ത്തി​യെ​ങ്കി​ലും ഔസേഫ് അവശനിലയിൽ നിലത്തുവീണു.തു​ട​ർ​ന്ന് നാ​ട്ടു​കാ​രു​ടെ സ​ഹാ​യ​ത്തോ​ടെ കെ​എസ്ഇബി അ​ധി​കൃ​ത​രെ വി​വ​ര​മ​റി​യി​ച്ച് വൈ​ദ്യു​തി​ബ​ന്ധം വി​ച്ഛേ​ദി​ച്ചു. ഉ​ട​നെ ഇദ്ദേഹത്തെ ചാ​ലാ​ക്ക മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.