തിരുവനന്തപുരം: റോഡുകളുടെ അറ്റകുറ്റപ്പണി തീരാന് രണ്ട് മാസം കൂടിയെടുക്കുമെന്ന് പൊതു മരാമത്ത് മന്ത്രി ജി സുധാകരന്. അറ്റകുറ്റപ്പണി കരാര് ഏറ്റെടുക്കാന് വിസമ്മതിക്കുന്ന കരാറുകാരുടെ ലൈസന്സ് റദ്ദാക്കാനും മന്ത്രി നിര്ദേശിച്ചു.
ഈ മാസം പണി പൂര്ത്തിയാക്കുമെന്നാണു നേരത്തെ അറിയിച്ചിരുന്നത്. മഴ മൂന്ന് മാസമായി തുടരുന്നതിനാലാണു പണികള് വൈകുന്നതെന്നാണ് ഇപ്പോഴത്തെ വിശദീകരണം.
അറ്റകുറ്റപ്പണിക്ക് 500 കോടി രൂപ ഓഗസ്റ്റില് തന്നെ അനുവദിച്ചെന്നും പണിയില് വീഴ്ച വരുത്തിയാല് നടപടിയെടുക്കുമെന്നും മന്ത്രി അറിയിച്ചു. ഇതിനായി ആറ് മാസത്തെ പ്രവൃത്തികളുടെ റിപ്പോര്ട്ട് ആവശ്യപ്പെട്ടിട്ടുണ്ട്. നവംബര് രണ്ടാം വാരം മുതല് അറ്റകുറ്റപ്പണികളുമായി ബന്ധപ്പെട്ട പരിശോധന തുടങ്ങുമെന്നും അദ്ദേഹം വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ