കണ്ണൂര്‍: കോവിഡ് നിരീക്ഷണത്തിൽ കഴിഞ്ഞിരുന്ന പ്രതി തടവുചാടി. കണ്ണൂർ സെൻട്രൽ ജയിലിലെ കൊവിഡ് നിരീക്ഷണ വാർഡിൽ നിന്നാണ് മോഷണക്കേസ് പ്രതി കടന്നുകളഞ്ഞത്. യുപി ആമീർപൂർ സ്വദേശി അജയ് ബാബുവാണ് തടവ് ചാടിയത്.
ജയിലിലെ ഐസോലേഷൻ ഐസൊലേഷന്‍ വാര്‍ഡിന്‍റെ വെന്‍റിലേഷന്‍ തകര്‍ത്താണ് ഇയാൾ കടന്നു കളഞ്ഞത്. കാസർകോട് കനറാ ബാങ്കിൽ മോഷണം നടത്തിയ കേസിലെ പ്രതിയാണ് ഇയാൾ. മാർച്ച് 25 നാണ് കാസർകോട് നിന്നും ഇയാളെ ജയിലിലേക്ക് കൊണ്ട് വന്നത്.
ഉത്തര്‍പ്രദേശ് സ്വദേശിയായത് കൊണ്ടും കാസര്‍കോട് നിന്നും കൊണ്ടുവന്നതുകൊണ്ടുമാണ് ഇയാളെ ഐസൊലേഷന്‍ വാര്‍ഡിലേക്ക് മാറ്റിയത്. പ്രതിക്കായി പൊലീസ് അന്വേഷണം ആരംഭിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
