തിരുവനന്തപുരം : സംസ്ഥാനത്ത് വീണ്ടും കോവിഡ് മരണം. തിരുവനന്തപുരത്ത് മരിച്ച ആൾക്ക് കോവിഡ് സ്ഥിരീകരിച്ചു. അഞ്ചുതെങ്ങ് സ്വദേശി അമലോത്ഭവ് ക്ലമന്റിനാണ് കോവിഡ് സ്ഥിരീകരിച്ചത്. 65 വയസ്സായിരുന്നു.
പ്രമേഹബോധിതനായിരുന്നു ഇയാൾ. മെഡിക്കൽ കോളജ് ആശുപത്രിയിൽ ചികിൽസയിലായിരുന്നു. വെള്ളിയാഴ്ചയാണ് അമലോത്ഭവ് മരിച്ചത്. തുടർന്ന് പരിശോധനയ്ക്കായി സ്രവം എടുത്തു. ഇതിൻരെ ഫലം ഇന്ന് ലഭിച്ചപ്പോഴാണ് കോവിഡ് പോസിറ്റീവ് ആണെന്ന് തെളിഞ്ഞത്.
തിരുവനന്തപുരത്ത് കഴിഞ്ഞദിവസം മരിച്ച രണ്ടുപേർക്ക് മരണശേഷം കോവിഡ് സ്ഥിരീകരിച്ചിരുന്നു. വിഴിഞ്ഞം മേഖലയിൽ 50 പേരെ ആന്റിജൻ പരിശോധനയ്ക്ക് വിധേയരാക്കിയപ്പോൾ 12 പേർ പോസിറ്റീവായി. പൂവച്ചൽ മേഖലയിൽ 16 പേർക്കും കോവിഡ് സ്ഥിരീകരിച്ചിട്ടുണ്ട്.
ഇതോടെ ഇന്ന് കോവിഡ് ബാധിച്ച് മരിച്ചവരുടെ എണ്ണം അഞ്ചായി. കണ്ണൂർ ഇരിക്കൂര് മാങ്ങോട് സ്വദേശിനി യശോദ (59), ആലപ്പുഴ ഹരിപ്പാട് സ്വദേശി രാജം എസ് പിളള, കാസര്കോട് ഉപ്പള സ്വദേശി വിനോദ് കുമാര്, കോഴിക്കോട് കക്കട്ടില് സ്വദേശി മരക്കാര് കുട്ടി എന്നിവരാണ് കോവിഡ് ബാധിച്ച് ഇന്ന് മരിച്ചവർ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ