ജോണി നെല്ലൂർ, ജോസഫ് വിഭാ​ഗത്തിലേക്ക്; ലയന സമ്മേളനം 29ന് കൊച്ചിയിൽ

ജോണി നെല്ലൂർ, ജോസഫ് വിഭാ​ഗത്തിലേക്ക്; ലയന സമ്മേളനം 29ന് കൊച്ചിയിൽ

ഉന്നതാധികാര സമിതിയിലും സംസ്ഥാന കമ്മിറ്റിയിലും ചര്‍ച്ച ചെയ്ത ശേഷമേ ജോണി നെല്ലൂര്‍ ഔദ്യോഗിക പ്രഖ്യാപനം നടത്തൂ

കൊച്ചി: കേരള കോണ്‍ഗ്രസ് ജോസഫ് വിഭാഗത്തോടൊപ്പം ലയിക്കാന്‍ കേരള കോൺ​ഗ്രസ് ജേക്കബ് നേതാവ് ജോണി നെല്ലൂർ തീരുമാനിച്ചതായി റിപ്പോർട്ടുകൾ. ജോണി നെല്ലൂരും അദ്ദേഹത്തെ പിന്തുണയ്ക്കുന്നവരും ജോസഫ് ​ഗ്രൂപ്പിൽ ലയിക്കുമെന്നാണ് പുറത്തു വരുന്ന വാർത്തകൾ. ഇതോടെ കേരള കോണ്‍ഗ്രസ് ജേക്കബിലും പിളര്‍പ്പ് യാഥാര്‍ഥ്യമാകും.

അതിനിടെ ജോണി നെല്ലൂര്‍ ലയന പ്രഖ്യാപനം നടത്തും മുന്‍പേ പിജെ ജോസഫ് തന്നെ കാര്യങ്ങൾ വെളിപ്പെടുത്തി രം​ഗത്തെത്തിയിരുന്നു. 29ന് കൊച്ചിയിലാണ് ലയന സമ്മേളനമെന്ന് ജോസഫ് പ്രഖ്യാപിച്ചു.

ജോസഫിന്‍റെ പ്രഖ്യാപനത്തെ ജോണി നെല്ലൂര്‍ തള്ളുന്നില്ല. അതേസമയം ഉന്നതാധികാര സമിതിയിലും സംസ്ഥാന കമ്മിറ്റിയിലും ചര്‍ച്ച ചെയ്ത ശേഷമേ ജോണി നെല്ലൂര്‍ ഔദ്യോഗിക പ്രഖ്യാപനം നടത്തൂ. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
X
logo
Samakalika Malayalam
www.samakalikamalayalam.com