കോവിഡ് പ്രോട്ടോക്കോള് ലംഘിച്ച് സിപിഐ നേതാവിന്റെ ഗൃഹപ്രവേശന ചടങ്ങ്; പങ്കെടുത്തത് ആയിരത്തോളംപേര്, ബന്ധുവിന് കോവിഡ്
പത്തനംതിട്ട: കോവിഡ് പ്രോട്ടോക്കോള് ലംഘിച്ച് സിപിഐ പ്രാദേശിക നേതാവിന്റെ ഗൃഹപ്രവേശന ചടങ്ങിനെത്തിനെത്തിയത് ആയിരത്തോളം പേര്. ഇതില് പങ്കെടുത്ത ബന്ധുവായ സ്ത്രീക്ക് കോവിഡ് സ്ഥിരീകരിച്ചതോടെ പഞ്ചായത്ത് പതിമൂന്നാം വാര്ഡ് കണ്ടെയ്ന്മെന്റ് മേഖലയാക്കാന് ശുപാര്ശ നല്കിയിരിക്കുകയാണ് ആരോഗ്യവകുപ്പ്. ഇതേ വാര്ഡിലെ ഇരുപതോളം പേരെ ആരോഗ്യവകുപ്പ് നടത്തിയ പരിശോധനയില് പ്രാഥമിക സമ്പര്ക്ക പട്ടികയില് കണ്ടെത്തിയിട്ടുണ്ട്.
ഈ മാസം 11ന് ആയിരുന്നു ചടങ്ങ്. രാവിലെ മുതല് രാത്രി വരെ 1000-1200 പേര് വീട്ടില് എത്തിയെന്നാണ് ആരോഗ്യവകുപ്പ് അധികൃതര് അറിയിച്ചത്. ഗൃഹനാഥന്റെ ബന്ധുവും ആശ പ്രവര്ത്തകയുമായ സ്ത്രീക്കാണ് കോവിഡ് സ്ഥിരീകരിച്ചത്. ഇവിടെ വീട്ടില് 4 മണിക്കൂറോളം ഉണ്ടായിരുന്നതായാണു വിവരം. ഇതിനുശേഷം ഇവര് സമീപത്തെ ബന്ധുവീടും സന്ദര്ശിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ