തിരുവനന്തപുരം: കോവിഡ് വ്യാപനം തുടരുന്ന പശ്ചാത്തലത്തില് നിരീക്ഷണം ശക്തമാക്കുന്നതിന്റെ ഭാഗമായി കൂടുതല് ഹോട്ട്സ്പോട്ടുകള് പ്രഖ്യാപിച്ചു. ഇന്ന് പുതുതായി ആറ് ഹോട്ട്സ്പോട്ടുകളാണ് പ്രഖ്യാപിച്ചത്. കണ്ണൂര് ജില്ലയിലെ എരുവേശ്ശി, ഉദയഗിരി, മാങ്ങാട്ടിടം, കുറ്റിയാട്ടൂര്, പാലക്കാട് ജില്ലയിലെ കൊടുവായൂര്, വയനാട് ജില്ലയിലെ പനമരം എന്നിവയാണ് പുതിയ ഹോട്ട് സ്പോട്ടുകള്. ഇതോടെ സംസ്ഥാനത്തെ ഹോട്ട്സ്പോട്ടുകളുടെ എണ്ണം 144 ആയി ഉയര്ന്നു.
ഇന്ന് സംസ്ഥാനത്ത് 107 പേര്ക്കാണ് കോവിഡ് സ്ഥിരീകരിച്ചത്. മലപ്പുറം ജില്ലയില് 27 പേര്ക്കും തൃശ്ശൂരില് 26 പേര്ക്കും രോഗബാധയുണ്ടായി. പത്തനംതിട്ട 13, കൊല്ലം 9, ആലപ്പുഴ 7, പാലക്കാട്, കോഴിക്കോട് ജില്ലകളില് 6 പേര്ക്ക് വീതം, തിരുവനന്തപുരം 4, കോട്ടയം, കാസര്കോട് ജില്ലകളില് 3 പേര്ക്ക് വീതം, കണ്ണൂര് 2, ഇടുക്കി ജില്ലയില് ഒന്ന് എന്നിങ്ങനെയാണ് രോഗം സ്ഥിരീകരിച്ചത്.
ഇതില് 71 പേര് വിദേശ രാജ്യങ്ങളില് നിന്നും (യു.എ.ഇ 39, കുവൈറ്റ് 21, സൗദി അറേബ്യ 4, റഷ്യ 2, താജിക്കിസ്ഥാന് 2, ഖത്തര് 1, ഒമാന് 1, ഇറ്റലി1) 28 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര 15, തമിഴ്നാട് 7, ഡല്ഹി 4, ഗുജറാത്ത് 1, തെലുങ്കാന 1) വന്നതാണ്. സമ്പര്ക്കത്തിലൂടെ 8 പേര്ക്കാണ് രോഗം ബാധിച്ചത്. തൃശൂര് ജില്ലയിലെ 3 പേര്ക്കും മലപ്പുറം, പാലക്കാട് ജില്ലകളിലെ 2 പേര്ക്ക് വീതവും കൊല്ലം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
ചികിത്സയിലായിരുന്ന 41 പേരുടെ പരിശോധനാഫലം നെഗറ്റീവായി. തൃശൂര് ജില്ലയില് നിന്നുള്ള 14 പേരുടെയും (2 പാലക്കാട് സ്വദേശി), കാസര്കോട് ജില്ലയില് നിന്നുള്ള 6 പേരുടെയും, പാലക്കാട്, കണ്ണൂര് ജില്ലകളില് നിന്നുള്ള 5 പേരുടെ വീതവും, കൊല്ലം, ആലപ്പുഴ ജില്ലകളില് നിന്നുള്ള 3 പേരുടെ വീതവും, തിരുവനന്തപുരം, പത്തനംതിട്ട, കോട്ടയം, മലപ്പുറം, കോഴിക്കോട് (തൃശൂര് സ്വദേശി) ജില്ലകളില് നിന്നുള്ള ഓരോരുത്തരുടെ വീതവുമാണ് പരിശോധനാഫലം നെഗറ്റീവ് ആയത്. ഇതോടെ 1095 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 803 പേര് രോഗമുക്തരായി.
എയര്പോര്ട്ട് വഴി 47,033 പേരും സീപോര്ട്ട് വഴി 1621 പേരും ചെക്ക് പോസ്റ്റ് വഴി 1,20,590 പേരും റെയില്വേ വഴി 18,375 പേരും ഉള്പ്പെടെ സംസ്ഥാനത്ത് ആകെ 1,87,619 പേരാണ് എത്തിയത്.സംസ്ഥാനത്തെ വിവിധ ജില്ലകളിലായി 1,91,481 പേര് നിരീക്ഷണത്തിലാണ്. ഇവരില് 1,89,765 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1716 പേര് ആശുപത്രികളിലും നിരീക്ഷണത്തിലാണ്. 277 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 4316 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇതുവരെ 83,875 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 79,957 സാമ്പിളുകളുടെ പരിശോധനാഫലം നെഗറ്റീവ് ആണ്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 22,324 സാമ്പിളുകള് ശേഖരിച്ചതില് 20,362 സാമ്പിളുകള് നെഗറ്റീവ് ആയി. 5,731 റിപ്പീറ്റ് സാമ്പിള് ഉള്പ്പെടെ ആകെ 1,11,930 സാമ്പിളുകളാണ് പരിശോധിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ