പറന്നുയരുന്നതിന് തൊട്ടുമുന്‍പ് കൊച്ചിയിലേക്കുള്ള വിമാനം റദ്ദാക്കി; മലേഷ്യയില്‍ നൂറുകണക്കിന് മലയാളികള്‍ കുടുങ്ങി
ക്വാലാലംപൂര്‍/കൊച്ചി: കോവിഡ് 19ന്റെ പശ്ചാത്തലത്തില്‍ മലേഷ്യയില്‍ നിന്ന് കൊച്ചിയിലേക്കുള്ള വിമാനം റദ്ദാക്കി. നൂറിലധികം മലയാളികല്‍ ക്വാലാലംപൂര്‍ വിമാനത്താവളത്തില്‍ കുടുങ്ങി. ബോര്‍ഡിങ് പാസ് നല്‍കിയതിന് ശേഷമാണ് വിമാനം റദ്ദാക്കിയ വിവരം യാത്രക്കാരെ അറിയിച്ചത്.
നാളെമുതല്‍ മലേഷ്യ ഉള്‍പ്പെടെയുള്ള രാജ്യങ്ങളില്‍ നിന്നുള്ള വിമാനങ്ങള്‍ക്ക് ഇന്ത്യ വിലക്ക് ഏര്‍പ്പെടുത്തിയിരുന്നു. ഇതേതുടര്‍ന്നാണ് ഇന്നുതന്നെ നാട്ടിലേക്ക് പുറപ്പെടാനായി മലയാളികള്‍ കൂട്ടത്തോടെ വിമാനത്താവളത്തിലെത്തിയത്.
മലേഷ്യ, ഫിലിപ്പീന്‍സ്, അഫ്ഗാനിസ്ഥാന്‍, തുര്‍ക്കി, യൂറോപ്യന്‍ രാജ്യങ്ങള്‍, ബ്രിട്ടന്‍, ഇറാന്‍ എന്നിവിടങ്ങളില്‍ നിന്നുള്ള വിമാനങ്ങള്‍ക്കാണ് കേന്ദ്രസര്‍ക്കാര്‍ വിലക്കേര്‍പ്പെടുത്തിയിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
