തിരുവനന്തപുരം: കോവിഡ് 19 വ്യാപനത്തിന്റെ പശ്ചാത്തലത്തില് മാറ്റിവച്ച വിവാഹങ്ങള്ക്ക് മുന്കൂറായി വാങ്ങിയ തുക കല്യാണ മണ്ഡപ, ഓഡിറ്റോറിയം ഉടമകള് തിരിച്ചു നല്കണമെന്ന് മുഖ്യമന്ത്രി പിണറായി വിജയന്.
വിവാഹങ്ങള് മാറ്റിവച്ച സാഹചര്യത്തില് അഡ്വാന്സ് തുക മടക്കി നല്കുന്നില്ലെന്ന് പലയിടത്തു നിന്നും വിവരമുണ്ട്. ഈ ഘട്ടത്തില് പണം തിരിച്ചുകൊടുക്കാതിരിക്കുക എന്നത് നല്ല കാര്യമല്ല. തങ്ങളുടെ കാര്യം ഇതിലൂടെ ഭദ്രമാക്കി കളയാം എന്ന് കരുതേണ്ട. പണം തിരിച്ചു കൊടുക്കുന്നതാണ് ഉത്തമമായ കാര്യം. ഇതില് ജില്ലാ ഭരണകൂടം ഇടപെടണം.- അദ്ദേഹം വാര്ത്താ സമ്മേളനത്തില് പറഞ്ഞു.
കോവിഡ് 19 വ്യാപിച്ച സാഹചര്യത്തില് സംസ്ഥാനത്ത് വിവാഹങ്ങള് വ്യാപകമായി മാറ്റിവച്ചിരുന്നു. ചിലര് ചടങ്ങുകള് മാത്രം നടത്തി ആള്ക്കൂട്ടങ്ങള് ഒഴിവാക്കുന്നുണ്ട്. ഓഡിറ്റോറിയങ്ങളുടെയും കല്യാണ മണ്ഡപങ്ങളുടെയും ബുക്കിങ്ങുകള് നിര്ത്തിവയ്ക്കാന് നേരത്തെ സര്ക്കാര് നിര്ദേശം നല്കിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ