തിരുവനന്തപുരം : ന്യൂഡൽഹിയിലേക്കുള്ള ആദ്യ പ്രത്യേക ട്രെയിൻ ഇന്ന് തിരുവനന്തപുരത്തു നിന്ന്‌ പുറപ്പെടും. ഇന്നുരാത്രി 7.15 നാണ് തിരുവനന്തപുരത്ത് നിന്നും ട്രെയിൻ പുറപ്പെടുക. കൺഫോം ടിക്കറ്റുള്ളവർ നാല്‌ മണിക്കൂർ മുമ്പ്‌ യാത്രയ്‌ക്ക്‌ സ്‌റ്റേഷനിലെത്തണം.
02431 നിസാമുദ്ദീൻ എക്‌സ്‌പ്രസിന്‌ തിരുവനന്തപുരം ജില്ലയിൽനിന്ന്‌ 299 പേർ ടിക്കറ്റ് ബുക്ക്‌ ചെയ്‌തിട്ടുണ്ട്‌. ഐആർസിടിസി ഭക്ഷണം നൽകുമെങ്കിലും യാത്രക്കാർ കഴിവതും ഭക്ഷണം കൈയിൽ കരുതുന്നതാണ്‌ നല്ലതെന്ന്‌ റെയിൽവേ അറിയിച്ചു.
ഐആർസിടിസി വെബ്സൈറ്റ് വഴി മാത്രമാണ് ടിക്കറ്റ് വിതരണം. യാത്രക്കാർ നിർബന്ധമായും മാസ്ക് ധരിക്കണമെന്ന് റെയിൽവേ അറിയിച്ചു. വൈദ്യപരിശോധനയ്ക്ക് ശേഷമാകും ട്രെയിനിൽ കയറ്റുക. ഡൽഹിയിൽ നിന്നുള്ള ആദ്യ ട്രെയിൻ ഇന്നുരാവിലെ തിരുവനന്തപുരത്തെത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
