തിരുവന്തപുരം: തദ്ദേശ ഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് കഴിയുമ്പോൾ സംസ്ഥാനത്തെ കോവിഡ് കണക്ക് ഉയരാൻ സാധ്യതയുണ്ടെന്ന ആശങ്ക പങ്കുവെച്ച് ആരോഗ്യ മന്ത്രി കെ കെ ശൈലജ. ഒന്നാംഘട്ട പോളിംഗ് തുടങ്ങിയ സമയത്ത് പലയിടങ്ങളിലും വലിയ തിരക്ക് അനുഭവപ്പെട്ടത് മന്ത്രി ചൂണ്ടിക്കാണിച്ചു.
പ്രചാരണങ്ങളുടെ സമയത്ത് പല ഇടങ്ങളിലും വലിയ കൂട്ടങ്ങളുണ്ടായി. വോട്ടെടുപ്പിന്റെ തുടക്കത്തിൽ ചില പ്രശ്നങ്ങളുണ്ടായി. ചില ബൂത്തുകളിൽ തിരക്കും ബഹളവും ഉണ്ടായി. ഇതെല്ലാം ആശങ്ക സൃഷ്ടിക്കുന്നതാണ്.
ആദ്യഘട്ടത്തിൽ നേരിട്ട പ്രശ്നങ്ങളെല്ലാം ഒഴിവാക്കണം. നിലവിലെ പോരായ്മകൾ പരിഹരിച്ചാകും മുന്നോട്ട് പോവുക. കോവിഡ് വ്യാപനം മുന്നിൽ കാണേണ്ടതുണ്ട്. ജാഗ്രത കൈവിടരുതെന്നും മന്ത്രി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
