തിരുവനന്തപുരം: കൊച്ചിയിലെ മാളിൽ നടിയെ അപമാനിച്ച സംഭവത്തിൽ വനിതാ കമ്മീഷൻ സ്വമേധയാ കേസെടുത്തു. നടിയെ അപമാനിച്ച സംഭവം അപലപനീയമാണെന്ന് വനിത കമ്മീഷൻ അധ്യക്ഷ എംസി ജോസഫൈൻ വ്യക്തമാക്കി. സംഭവത്തെക്കുറിച്ച് നാളെ നടിയിൽ നിന്ന് കമ്മീഷൻ തെളിവെടുക്കും.
കൊച്ചിയിലെ ഷോപ്പിങ് മാളിൽ വച്ച് തനിക്ക് നേരിടേണ്ടിവന്ന അപമാനം ഇൻസ്റ്റഗ്രാം സ്റ്റോറിയിലൂടെയാണ് നടി തുറന്നു പറഞ്ഞത്. രണ്ട് ചെറുപ്പക്കാർ തന്റെ ശരീരത്തിൽ സ്പർശിക്കുകയും പിന്തുടർന്ന് ശല്യം ചെയ്യുകയുമായിരുന്നുവെന്നും താരം വ്യക്തമാക്കി. ഇതിന് പിന്നാലെയാണ് കമ്മീഷന്റെ നടപടി.
പെരുമ്പടപ്പിൽ തെരഞ്ഞെടുപ്പ് വിജയാഘോഷത്തിനിടെ സ്ത്രീകളുൾപ്പെടെയുള്ളവരെ ആക്രമിച്ച സ്ഥലവും കമ്മീഷൻ സന്ദർശിക്കും. എംസി ജോസഫൈൻ, കമ്മീഷൻ അംഗം അഡ്വ. ഷിജി ശിവജി എന്നിവർ സ്ഥലത്തെത്തി തെളിവെടുക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
