കൊച്ചി: 'ഹെല്ത്തി കേരള' ആരോഗ്യ പരിപാടിയുടെ ഭാഗമായി എറണാകുളം ജില്ലയിലെ ഹോട്ടലുകളിലും, ബേക്കറികളിലും ആരോഗ്യ വകുപ്പ് പരിശോധന നടത്തി. ഹോട്ടലുകള്, കൂള്ബാറുകള്, കേറ്ററിംഗ് സ്ഥാപനങ്ങള്, സോഡ നിര്മ്മാണ സ്ഥാപനങ്ങള്, ഐസ് ഫാക്റ്ററികള്, എന്നിവയടക്കം ആകെ 754 സ്ഥാപനങ്ങളിലാണ് ആരോഗ്യ വകുപ്പ് പരിശോധന നടത്തിയത്.
പരിശോധനയില് പോരായ്മകള് കണ്ടെത്തിയ 68 സ്ഥാപനങ്ങള്ക്ക് അപാകതകള് പരിഹരിക്കുവാന് ആവശ്യപ്പെട്ടു പൊതുജനാരോഗ്യ നിയമപ്രകാരമുള്ള നോട്ടീസ് നല്കി. കൊതുക് വളരുവാനിടയുള്ള സാഹചര്യങ്ങള് സൃഷ്ടിച്ചതിന് ഒരു സ്ഥാപനത്തിനും , വൃത്തിഹീനമായ സാഹചര്യത്തില് ഭക്ഷണം കൈകാര്യം ചെയ്തതിന് 25 സ്ഥാപനങ്ങള്ക്കും മലിനജലം പുറത്തേക്ക് ഒഴുക്കിയതിന് 12 സ്ഥാപനങ്ങള്ക്കും, മാലിന്യങ്ങള് ശരിയായി സംസ്ക്കരിക്കാത്തതിന് 9 സ്ഥാപനങ്ങള്ക്കും, പകര്ച്ചവ്യാധി പടരുന്നതിന് സാഹചര്യം സൃഷ്ടിച്ചതിന് 3 സ്ഥാപനങ്ങള്ക്കും ഓടയുടെ പ്രവര്ത്തനം തടസ്സപ്പെടുത്തിയതിന് ഒരു സ്ഥാപനത്തിനും, ലൈസന്സ് ഇല്ലാതെ പ്രവര്ത്തിച്ചതിന് 11 സ്ഥാപനങ്ങള്ക്കും പൊതുജനാരോഗ്യ നിയമപ്രകാരമുള്ള നോട്ടീസ് നല്കി.
അപാകതകള് കണ്ടെത്തിയ സ്ഥാപനങ്ങളില് നിന്നും പിഴയായി 14850 രൂപ ഈടാക്കി. 3 സ്ഥാപനങ്ങള്ക്കെതിരെ തുടര് നടപടികള്ക്കായി തദ്ദേശ സ്വയം ഭരണ സ്ഥാപനങ്ങള്ക്ക് ശുപാര്ശ ചെയ്തു. ജില്ലയില് ഉടനീളം നടത്തിയ പരിശോധനയില് 60 സ്ക്വാഡുകളിലായി 376 ഉദ്യോഗസ്ഥര് പങ്കെടുത്തു. ഹെല്ത്തി കേരള പരിപാടിയുടെ ഭാഗമായിവരും ദിവസങ്ങളിലും തുടര്പരിശോധനകള് നടത്തുന്നതാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ